ინფექციური საავადმყოფოს დირექტორის, თენგიზ ცერცვაძის განცხადებით, პაციენტების კლინიკაში ნაცნობობით მოთავსების ერთეული შემთხვევები უთუოდ იქნება.

"სისტემურად არა და ერთეული შემთხვევები უთუოდ იქნება იმიტომ, რომ თქვენ რა გგონიათ, ამერიკაში არ ხდება ერთეული შემთხვევები, ან გერმანიაში? ამ ქვეყანაში პაციენტის კლინიკაში მოთავსების ერთეული შემთხვევა შეიძლება იყოს ნაცნობობით, იმიტომ, რომ არსებობს მთელი სქემა, რომელსაც ვერ აუვლი გვერდს, ყველაფერი იტვირთება პორტალზე, ზარები ფიქსირდება 112-ში, ფიქსირდება ოჯახის ექიმებთან, საგანგებო სიტუაციების დეპარტამენტი ამაზე მუშაობს", — განაცხადა თენგიზ ცერცვაძემ.

ცერცვაძემ, ასევე, აღნიშნა, რომ თუ გვიანდება სასწრაფოს გამოძახება, უცხოეთში, ხანდახან, 5 დღე ელოდებიან სასწრაფოს და საქართველოში რომ გამოვიძახოთ, ვნახავთ, რომ ჩქარა, ან 1 საათში, 2 საათში, 3 საათში, 4 საათში მოვა, რადგან ასეა, ეს პანდემიის ბრალია და არა სასწრაფოსი.