დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარაში კორონავირუსით 31 წლის ქალი გარდაიცვალა. როგორც ჯანმრთელობის ცენტრ მედინას კლინიკურმა დირექტორმა, ჯუმბერ უნგიაძემ On.ge-ს განუცხადა, იგი დღეს, დაახლოებით, დღის 12 საათზე დაიღუპა.

"პაციენტმა 25 ნოემბერს იმშობიარა. მერე გადმოიყვანეს ჩვენთან და რეანიმაციულ განყოფილებაში იწვა, რადგან სუნთქვა უჭირდა. ღამით, სამ საათზე მას ჰქონდა ფილტვის არტერიის მძიმე თრომბოემბოლია, რამაც გამოიწვია გულის გაჩერება. რეანიმაციულმა ღონისძიებებმა გამოიღო შედეგი, ამუშავდა გული, მაგრამ რამდენიმე საათში ისევ გაჩერდა და რეანიმაციული ღონისძიებები უშედეგო აღმოჩნდა", — აღნიშნა მან

3 დეკემბრის მონაცემებით, ბოლო 24 საათის განმავლობაში კორონავირუსის 4 260 ახალი შემთხვევა დადასტურდა. გამოჯანმრთელდა — 2 947 . გარდაიცვალა — 45 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: