აშშ-ს ყოფილი პრეზიდენტები — ბარაკ ობამა, ჯორჯ ბუში უმცროსი და ბილ კლინტონი მზად არიან, საჯაროდ კორონავირუსის ვაქცინა გაიკეთონ, რათა საზოგადოებაში ვაქცინის უსაფრთხოების მიმართ სანდოობა გაზარდოს.

როგორც CNN წერს, ყოფილი პრეზიდენტები იმედოვნებენ, რომ საინფორმაციო კამპანია ძლიერი სიგნალი იქნება იმის ფონზე, რომ ჯანდაცვის სფეროს წარმომადგენლები ცდილობენ მოსახლეობა, ვაქცინის მიღებაში დაარწმუნონ.

ბუშის ადმინისტრაციის ხელმძღვანელმა, ფრედი ფორ CNN-ს განუცხადა, რომ 43-ე პრეზიდენტმა ენტონი ფაუჩისა და ექიმ დებორა ბირქს დაუკავშირდა, რათა გაეგო როგორ დახმარებოდა ვაქცინის პოპულარიზაციაში. ფორდის თქმით, მას შემდეგ რაც ვაქცინა მიზნობრივ ჯგუფებს ექნებათ, ბუში მზადაა რიგში ჩადგეს და ვაქცინა კამერების წინაშე გაიკეთოს.

"პრეზიდენტმა ბუშმა მთხოვა მეცნოინებინა ექიმი ფაუჩისთვისა და ექიმი ბრიქსისთვის, რომ როცა დრო მოვა, მას სურს ყველაფერი გააკეთოს, რათა მოქალაქეებმა ვაქცინაცია გაიარონ", — განაცხადა ფორდმა.

ბილ კლინტონის პრესსპიკერმა CNN-ს უთხრა, რომ პრეზიდენტი მზადაა ვაქცინა საჯაროდ გაიკეთოს, მას შემდეგ, რაც ის ხელმისაწვდომი იქნება.

"ის ამას გააკეთებს საჯაროდ, თუ ეს დაეხმარება ყველა ამერიკელის დარწმუნებაში, იგივე გააკეთონ", — განაცხადა ანხელ ურენამ.

ბარაკ ობამამ SiriusXM-სთან ინტერვიუში განაცხადა, რომ თუ ენტონი ფაუჩი ამბობს, რომ ვაქცინა უსაფრთხოა, მისი სჯერა.

"პირობას ვდებ, რომ მას შემდეგ რაც ვაქცინას რისკჯგუფები გაიკეთებენ, მეც გავიკეთებ მას. შესაძლოა, ეს გადავიღო, რათა ხალხმა იცოდეს, რომ მეცნიერებას ვენდობი და რასაც არ ვენდობი, ეს კორონავირუსით დაავადებაა", — განაცხადა ობამამ.

კორონავირუსით ინფიცირების მაჩვენებლით აშშ პირველ ადგილს იკავებს. ქვეყანაში კორონავირუსის 14 მილიონამდე შემთხვევაა დაფიქსირებული. პანდემიის დაწყების დღიდან კი ვირუსის შედეგად 273 ათასი ადამიანი გარდაიცვალა.