დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის ინფექციამ სიკვდილიანობით, ტუბერკულოზის მაჩვენებელს გადაასწრო. გამყრელიძის თქმით, Covid-19-ის დაფიქსირების პირველი შემთხვევიდან ერთი წელი არ არის გასული, სიკვდილიანობამ კი უკვე 1 400 000-ს გადააჭარბა.

"ტუბერკულოზის შემდეგ, სიკვდილიანობით კორონავირუსი მეორე ადგილზეა ინფექციურ დაავადებათა შორის. რა თქმა უნდა, ეს ვერ აჭარბებს გულის, გულ-სისხლძარღვთა დაავადებებისა და კიბოთი სიკვდილიანობას, რომელიც ყველაზე მეტია. მაგრამ 4 ყველაზე მკვლელ ინფექციურ დაავადებებს შორის, კოვიდი მხოლოდ ტუბერკულოზს ჩამორჩება", — განაცხადა გამყრელიძემ.

ის, ასევე, აღნიშნავს, რომ ადრე იყო კლასიფიცირებული 4 ინფექციიდან: ტუბერკულოზი, B და C ჰეპატიტები, შიდსი და მალარია, წელიწადში 1 600 000 ადამიანის გარდაცვალებას იწვევს ტუბერკულოზი იწვევს, შემდეგ მოდის ჰეპატიტი 1 400 000 მაჩვენებლით, შიდსისგან 900 000 ადამიანი იღუპება, ხოლო მალარიისგან — 600 000.

25 ნოემბრის მონაცემებით, საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 ადამიანი, გარდაიცვალა — 34.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 114 889-ს. ჯამში გამოჯანმრთელებულთა რაოდენობა გაიზარდა 95 581-მდე. 2020 წლის 26 თებერვლიდან დღემდე სულ გვაქვს 1 085 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: