ოოკუპირებული აფხაზეთის დე ფაქტო პრეზიდენტმა ასლან ბჟანიამ ე.წ უშიშროების საბჭოს მდივნად სერგეი შამბა დანიშნა. ბჟანიამ ბრძანება უკვე გამოსცა.

ადგილობრივი მედიის ცნობით, აღნიშნულ პოზიციას 2014 წლის შემდეგ მუჰამედ კილბა იკავებდა, თუმცა მიმდინარე წლის 16 იანვარს იგი პოსტიდან გაათავისუფლეს.

1997 წლიდან 2010 წლის ჩათვლით სერგეი შამბას ოკუპირებულ აფხაზეთში ე.წ საგარეო საქმეთა მინისტრის თანამდებობა ეკავა. 2010 წლის თებერვლიდან 2011 წლის სექტემბერამდე დე ფაქტო რესპუბლიკის პრემიერი, ხოლო 2014 წლიდან დე ფაქტო პარლამენტის წევრი გახდა. 2016 წლის იანვრიდან შამბა პარტიას ერთიანი აფხაზეთის ლიდერი გახდა.

სერგეი შამბას ეხო კავკაზთან ინტერვიუში ნათქვამი აქვს, რომ ქართველები მტრად არ მიაჩნია და ურთიერთობები უნდა დალაგდეს.