მსახიობი ჰეიდენ პანეტიერი რამდენიმე პრეპარატის, მათ შორის ფენტანილის, შემთხვევითი ზედოზირებით გარდაიცვალა. Associated Press-ის მიერ მოპოვებული დასკვნის მიხედვით, ტრაგედიამდე რამდენიმე კვირით ადრე მსახიობი სარეაბილიტაციო ცენტრში მკურნალობდა.

ექსპერტიზის ოფიციალური განცხადებით, პანეტიერის ორგანიზმში ფენტანილი, შფოთვის საწინააღმდეგო პრეპარატი ალპრაზოლამი, კუნთების მომადუნებელი საშუალება და მძიმე დეპრესიის სამკურნალო წამლები აღმოჩნდა.

ექსპერტიზის ბიუროს ცნობით, გარდაცვალება უბედური შემთხვევაა — შემთხვევითი ზედოზირება. თუმცა, პარალელურად მიმდინარეობს გამოძიება იმის დასადგენად, შეიძინა თუ არა 36 წლის მსახიობმა არალეგალური და, შესაძლოა, ყალბი წამლები დილერისგან.

პანეტიერი სამხრეთ კაროლინაში, გრინვილში, 16 აგვისტოს — 37-ე დაბადების დღემდე რამდენიმე დღით ადრე გარდაიცვალა. 911-ში დაფიქსირებული ზარის შემდეგ, დაახლოებით 13:51 საათზე, სასწრაფო დახმარებისა და სამაშველო სამსახურის ბრიგადა ადგილზე მივიდა, თუმცა ქალის გული უკვე გაჩერებული დახვდათ. როგორც ოფიციალურ განცხადებაშია ნათქვამი, სამედიცინო პერსონალმა ყველა ზომას მიმართა, რაც მაინც წარუმატებელი აღმოჩნდა და ქალის სიკვდილი 14:32 საათზე დაფიქსირდა. მოგვიანებით დადასტურდა, რომ გარდაცვლილი პანეტიერი იყო.

ასევე იხილეთ:

რას ამბობდა გარდაცვალებამდე ჰეიდენ პანეტიერი ნარკოდამოკიდებულებაზე, დეპრესიასა და მშობიარობის სირთულეებზე