აზერბაიჯანი არ აღიარებს საქართველოს ცხინვალის რეგიონში ჩატარებულ ეგრეთ წოდებულ "საპრეზიდენტო არჩევნებს" და მათ შედეგებს, — ამის შესახებ აზერბაიჯანის საგარეო საქმეთა სამინისტრომ დაწერა.

უწყების განცხადებაში აზერბაიჯანის რესპუბლიკის საგარეო უწყება კიდევ ერთხელ ადასტურებს მხარდაჭერას საქართველოს სუვერენიტეტისა და ტერიტორიული მთლიანობის მიმართ.

"აზერბაიჯანის რესპუბლიკის საგარეო საქმეთა სამინისტრო კიდევ ერთხელ ადასტურებს მხარდაჭერას საქართველოს სუვერენიტეტისა და ტერიტორიული მთლიანობის მიმართ და არ აღიარებს საქართველოს ცხინვალის რეგიონში ჩატარებულ ეგრეთ წოდებულ "საპრეზიდენტო არჩევნებს" და მათ შედეგებს", — წერია განცხადებაში.

შეგახსენებთ, 18-21 სექტემბერს ოკუპირებულ ცხინვალის რეგიონში ე.წ. რიგგარეშე საპრეზიდენტო არჩევნები გაიმართა.