უზენაესი სასამართლოს მოსამართლედ სერგო მეთოფიშვილი დაინიშნა. პლენუმის გადაწყვეტილების შესახებ ინფორმაცია უზენაესი სასამართლოს ვებგვერდზე გამოქვეყნდა.

"საქართველოს კონსტიტუციის მე-60 მუხლის მე-2 პუნქტის და "საერთო სასამართლოების შესახებ" საქართველოს ორგანული კანონის მე-18 მუხლის მე-2 პუნქტის "გ" ქვეპუნქტის თანახმად, საქართველოს უზენაესი სასამართლოს პლენუმის გადაწყვეტილებით, საქართველოს საკონსტიტუციო სასამართლოს წევრად დაინიშნა სერგო მეთოფიშვილი", — წერია უზენაესი სასამართლოს ვებგვერდზე.

სერგო მეთოფიშვილი ამ დრომდე თბილისის სააპელაციო სასამართლოს მოსამართლე იყო. ის საკონსტიტუციო სასამართლოში თეიმურაზ ტუღუშს ჩაანაცვლებს.

გარდა სერგო მეთოფიშვილისა, საკონსტიტუციო სასამართლოს კიდევ ერთი ახალი მოსამართლე — გოგა კიკილაშვილი მიხეილ ყაველაშვილმა 22 სექტემბერს დანიშნა. ის გიორგი კვერენჩხილაძეს შეცვლის, რომელსაც საკონსტიტუციო სასამართლოს მოსამართლის უფლებამოსილების ვადა 2 ოქტომბერს ეწურება.