პრემიერ-მინისტრი გიორგი გახარია, ინფექციური საავადმყოფოს დირექტორის მსგავსად და ჯანდაცვის მინისტრისგან განსხვავებით, აცხადებს, რომ საერთო კოვზით ზიარება ცალსახად საფრთხისშემცველია. ასე უპასუხა მან TV პირველის კითხვას იმაზე, ფიქრობს თუ არა, რომ ამ საკითხს კვლევა სჭირდება.

"რა თქმა უნდა, ვიტყვი, რომ ეს აშკარაა. ისევე, როგორც ყველა სახის დისტანცია არის ერთადერთი საშუალება დღეის მდგომარეობის, ამ ინფექციისგან თავის დაცვის. რა თქმა უნდა, კოვზიც არის ინფიცირების უდიდესი რისკის შემცველი", — განაცხადა მან.

რამდენიმე დღის წინ ჯანდაცვის მინისტრმა, ეკატერინე ტიკარაძემ განაცხადა, რომ გადამტანი არის თუ არა ვირუსი ზიარების საერთო კოვზით, ამას "სამეცნიერო კვლევა" სჭირდება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: