sრუსეთში ლიტურგიის დროს ყოველი ზიარების შემდეგ კოვზს სპირტიანი ხელსახოცით გაწმენდენ. სპირტით გაწმენდილ კოვზს წყალში ჩადებენ, რომელიც უტილიზაციას დაექვემდებარება. გარდა ამისა, ზიარების შემდგომ სასმისს მრევლს ერთჯერადი ჭურჭლით მიაწოდებენ. ინფორმაციას ამის შესახებ RIA ავრცელებს.

აღნიშნული ზომები კორონავირუსის გავრცელების პრევენციისთვის მიიღეს. რუსეთის მართლმადიდებელი ეკლესიის პატრიარქმა კირილემ ჰიგიენის დაცვის ინსტრუქცია დაამტკიცა, რომელშიც სხვადასხვა საეკლესიო ნივთის დეზინფექციაზე, დასუფთავებაზე, შენობების განიავებაზე და ხელების დეზინფექციაზეა საუბარი.

სეფისკვერის დარიგებისას სასულიერო პირები ერთჯერად ხელთათმანებს გამოიყენებენ. ყოველი ნათლობისა და მირონის ცხების შემდეგ წყალი მუდმივად გამოიცვლება.

გარდა ამისა, უნდა შეიზღუდოს სასულიერო პირებისთვის ხელზე კოცნა, ხოლო ლიტურგიის დასრულების შემდეგ სასულიერო პირებმა მრევლს ჯვარი თავზე უნდა დაადონ და კოცნის საშუალება არ უნდა მისცენ.

ამ ეტაპისთვის რუსეთი კორონავირუსით დაინფიცირების 114 შემთხვევაზე საურბობს. რუსეთის ხელისუფლება აცხადებს, რომ 8 ადამიანი გამოჯანმრთელდა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: