ჯანდაცვის კომიტეტის თავმჯდომარე, დიმიტრი ხუნდაძე აცხადებს, რომ წამლის მარაგის ზუსტი პროგნოზირება შუეძლებელია. მისივე თქმით ის, რომ რამდენიმე მილიონი ლარის ღირებულების C ჰეპატიტის სამკურნალო მედიკამენტები გაფუჭდა "დანაშაული არ არის".

"3-5%-ის ფარგლებში მეტობა დასაშვვებია. ჯობია წამალს დააკლდეს პაციენტი, ვიდრე პაციენტს წამალი", — განაცხადა დიმიტრი ხუნდაძემ.

10 იანვარს აუდიტის სამსახურმა ანგარიში გამოაქვეყნა, რომლითაც გაირკვა, რომ საქართველოს ჯანდაცვის სამინისტროს 560 645 083 ლარის ღირებულების C ჰეპატიტის სამკურნალო მედიკამენტები გაუფუჭდა. მონაცემები 2018 წლის 31 დეკემბრამდე პერიოდს მოიცავს. შესაბამისად, უცნობია 2020 წლის 10 იანვრის მონაცემებით გაზრდილია თუ არა ეს თანხა და რა მოცულობით.

ჯანდაცვის სამინისტროს ინფორმაციით, C ჰეპატიტის ელიმინაციის სახელმწიფო პროგრამა 2015 წლის 21 აპრილს ამოქმედდა. პროგრამა ამერიკის შეერთებული შტატების დაავადებათა კონტროლის ცენტრისა და მედიკამენტის მწარმოებელი კომანია გილეად-ის მხარდაჭერით ხორციელდება და საქართველოს ყველა მოქალაქისთვის უფასოა. მოქალაქეს შეუძლია პრევენცია, დაავადების დიაგნოსტიკა და მკურნალობა.