თბილისში, სტუდენტმა ქუჩაში 37 000 აშშ დოლარი იპოვა და, პოლიციის მეშვეობით, მფლობელს გადასცა. სომხეთის საელჩო საქართველოში წერს, რომ სტუდენტი წარმოშობით ჯავახეთიდან, კარინე ბაგირიანია. მას 8 დეკემბერს სომხეთის ელჩმა საქართველოში რუბენ სადოიანმა უმასპინძლა.

ელჩმა სადოიანმა მადლობა გადაუხადა კარინეს ასეთი პატიოსნების გამოხატვისთვის და ყველასათვის საუკეთესო მაგალითის მიცემისათვის. მან აღნიშნა, რომ დღევანდელ მსოფლიოში ასეთი ადამიანური ნაბიჯის ფაქტი ცხადყოფს, რომ პატიოსნება და სიკეთე ჯერ კიდევ არ არის გაუფასურებული.