დღეს გამართულ მთავრობის სხდომაზე, პრემიერმინისტრმა C ჰეპატიტის ელიმინაციის პროგრამაზე ისაუბრა. გიორგი კვირიკაშვილმა აღნიშნა, რომ 2016-2020 წლების ელიმინაციის სახელმწიფო პროგრამის მთავარი ამოცანაა C ჰეპატიტით ინფიცირებულთა 90 პროცენტი - გამოკვლეული, ხოლო დაავადებულთა 95 პროცენტი განკურნებული იყოს:

"ხუთწლიანი სტრატეგიული გეგმის მთლიანი ბიუჯეტი 116 მილიონი ლარია, აქედან სახელმწიფო ბიუჯეტიდან 57 მილიონი ლარი დაიხარჯება. პროგრამის ფარგლებში სახელმწიფო უსასყიდლოდ მიიღებს 15 მილიარდი დოლარის ღირებულების მედიკამენტებს".

მთავრობის მეთაურმა სტრატეგიის განხორციელებაში ჩართულ პარტნიორებს, მათ შორის - კომპანია გილიარდს და ამერიკის შეერთებული შტატების დაავადებათა კონტროლის ცენტრს, ასევე, სამთავრობო გუნდს, დავით სერგეენკოს ხელმძღვანელობით, მადლობა გადაუხადა და აღნიშნა, რომ ამ პროგრამის განხორციელება ძალიან მნიშვნელოვანია.