კალაძე: 40 წლის ვარ და არასდროს მქონია შესაძლებლობა მომეხმარა მარიხუანა

16 May. 2018, 15:22

მე არ მერიდება ამაზე საუბრის. გულწრფელად გეუბნები - 40 წლის ადამიანი ვარ და არასდროს არ მქონია შესაძლებლობა მომეხმარა მარიხუანა ან სხვა ნარკოტიკი და არასდროს სურვილიც არ მქონია. ალბათ, ჩემი ცხოვრებიდან გამომდინარე, იმიტომ, რომ მთელი ჩემი ცხოვრება სპორტით, ფეხბურთით ვიყავი დაკავებული. ჩემი პროფესია იყო და შესაბამისად მე ძალიან, გულწრფელად გეტყვით, რომ მაქსიმალურად ვეკიდები ხოლმე იმ ყველაფერს, რასაც ხელს ვკიდებ. შესაბამისად, ყოველთვის ვცდილობდი, რომ საუკეთესო შედეგი მეჩვენებინა იმ საქმეში, რითაც ვიყავი დაკავებული. ანალოგიური არის დღეს, ყველაფერს ვაკეთებ იმისთვის, რომ წარმატებული ვიყო იქ, სადაც ვარ.

არ მქონია ამის შესაძლებლობა და არც სურვილი. გულწრფელად გეტყვით სიმთვრალეც კი არ ვიცი რა არის. აი 40 წლის კაცმა რა არის სიმთვრალე ნადმვილად არ ვიცი. ამას, რომ ვეუბნებოდი ხოლმე, ჯერ კიდევ მაშინ უკრაინაში, როდესაც ვთამაშობდი და ვეუბნებოდი, რომ საერთოდ ღვინოსთან შეხება არ მაქვს და ალკოჰოლთან შეხება არა მაქვს, ვერ იჯერებდნენ და მეუბნებოდნენ: Какои ты Грузин (რანაირი ქართველი ხარ), თუ ერთ ჭიქა ღვინოსაც არ სვამო. ეგეთი ადამიანი და არ ვიცი, ეგრე გავიზარდე და ეგრე გამზარდეს.

ბოლო ამბები:

კახა კალაძე კალაძე: 40 წლის ვარ და არასდროს მქონია შესაძლებლობა მომეხმარა მარიხუანა

კომენტარები

კვირის ტოპ-5

გირჩევთ

ახლა კითხულობენ