ჩრდილოეთი და სამხრეთი კორეის ლიდერები, ისტორიული შეხვედრის შემდეგ, კორეის ნახევარკუნძულის ბირთვულ განიარაღებაზე შეთანხმდნენ.

65-წლიანი დაძაბულობის შემდეგ, კიმ ჩენ ინისა და მუნ ჯე ინის შეხვედრა მხარეებს შორის სამშვიდობო შეთანხმებით დასრულდა. კორეის ლიდერების თქმით, ნახევარკუნძულზე ომი აღარ იქნება და მშვიდობის ახალი ერა დაიწყო. ინფორმაციას CNN ავრცელებს.

"დღეს ისტორიის ახალი თავი იწყება - ისტორიის დასაწყისი და მშვიდობის ეპოქა", - დაწერა კიმ ჩენ ინმა დემილიტარიზებულ ზონაში მდებარე მშვიდობის სახლში, სტუმრების წიგნში.

კიმ ჩენ ინი ჩრდილოეთ კორეის პირველი ლიდერია, რომელმაც დემილიტარიზებული საზღვარი გადაკვეთა და სამხრეთ კორეის ტერიტორიაზე პრეზიდენტ მუნ ჯეი ინს შეხვდა.