დღეს კორეის ნახევარკუნძულისთვის ისტორიული დღეა. ჩრდილოეთ კორეისა და სამხრეთ კორეის ლიდერები ერთმანეთს შეხვდნენ და სამხრეთ კორეის ტერიტორიაზე სამიტი გამართეს.

ჩრდილოეთ კორეის ლიდერმა, კიმ ჩენმა ინმა კიბეები ჩაიარა და საზღვართა სამხრეთ კორეის პრეზიდენტს, მუნ ჯეი ინს შეხვდა. მათ ერთმანეთს ხელი ჩამოართვეს და რამდენიმე სიტყვა გაცვალეს. ამის შემდეგ კიმ ჩენ ინმა დემილიტარიზებული საზღვარი გადაკვეთა და სამხრეთის ტერიტორიაზე გადავიდა. ფოტოების გადაღების შემდეგ კიმმა მუნი ჩრდილოეთ კორეის ტერიტორიაზე მიიწვია და ხელჩაკიდებულმა გადაიყვანა.

მათი გაშიფრულ საუბარს CNN ავრცელებს. საუბარი კიმ ჩენ ინმა დაიწყო.

- მოხარული ვარ თქვენთან შეხვედრით. ძალიან მიხარია.

- რთული იყო აქ ჩამოსვლა?

- საერთოდ არა.

- სასიამოვნოა თქვენთან შეხვედრა.

- ნამდვილად, ამ ისტორიულ ადგილას შეხვედრის გამო ძალიან ვნერვიულობ. ჩემზე ემოციურად იმოქმედა იმან, რომ დემილიტარიზებულ საზღვარზე, პანმუნჯომში ჩემს მისაღებად ამხელა გზა რომ გამოიარეთ.

- ეს იყო თქვენი თამამი და გაბედული გადაწყვეტილება, რომელმაც ასე შორს წასვლის საშუალება მოგვცა.

- არა, არა, სულაც არაა ასე.

- ჩვენ ისტორიული მომენტი შევქმენით.

- ჩემთვის სასიამოვნოა თქვენი გაცნობა.

- შეგიძლიათ ამ მხარეს დადგეთ [სამხრეთ კორეის ტერიტორიაზე].

მოგვიანებით, მუნ ჯეი ინმა იკითხა: "თქვენ სამხრეთისკენ გადმოხვედით, როდის შემეძლება ჩრდილოეთს [ჩრდილოეთ კორეას] ვეწვიო?" კიმ ჩენ ინმა კი უპასუხა: "შესაძლოა, რომ ეს სწორი დროა იმისათვის, რომ ჩრდილოეთ კორეის ტერიტორიას ეწვიოთ."

ფოტო: CNN

გაიგეთ მეტი: