წარმატებული პირველი სეზონის შემდეგ, რაიან მერფი FX-ისთვის Feud-ის ახალ სეზონს ამზადებს, რომელიც პრინცესა დაიანასა და პრინც ჩარლზის შესახებ იქნება.

როგორც ამბობენ, მერფიმ დაიანას როლზე უკვე აარჩია მსახიობი და ის არც მეტი, არც ნაკლები, ოსკარის ნომინანტი როზამუნდ პაიკია.

ამ როლზე თავდაპირველად რაიანის ერთგული თანამშრომელი - სარა პოლსონი განიხილებოდა, თუმცა როგორც ჩანს სარამ, რომელსაც 3 სერილი და 4 ფილმი აქვს სამომავლო გეგმებში, პრინცესა დაიანას როლისთვის დრო ვერ გამონახა.

გარდა ამისა, გავრცელდა ინფორმაცია, რომ პირველ სეზონში, ორი მთავარი როლის შემსრულებელი ჯესიკა ლენგი და სიუზან სარანდონი მეორე სეზონშიც იქნებიან. ლენგი, სავარაუდოდ ელიზაბეტ მეორის როლს შეასრულებს, სარანდონის გმირის შესახებ კი ინფორმაცია ჯერ ჭორის დონეზეც არ გახმაურებულა.

"პრინცესა დაიანას ისტორია ძალიან საინტერესო და საიდუმლოებით მოცულია. ბევრი მასალა წავიკითხე, გავიცანი ხალხი ვინც მათი ამბების შესახებ იცოდა და მენდეთ, უამრავ საინტერესო და დღემდე გაუხმაურებელ დეტალს გაიგებთ სამეფო ოჯახისა და ხალხის გულების პრინცესაზე", - ამბობს რაიან მერფი.

სერიალის პირველი სეზონი, Feud: Bette and Joan, ჰოლივუდის ოქროს ხანის ლეგენდარული მსახიობების ცხოვრებასა და მათ დაძაბულ ურთიერთობებზე მოგვითხრობს. ყურადღების ეპიცენტრში კი ბეტ დევისისა (სუზან სარანდონი) და ჯოან კროუფორდის (ჯესიკა ლენგი) ურთიერთობაა.