მოდის ინდუსტრია ბეწვს თანდათან ემშვიდობება. ვერსაჩეს მოდის სახლის შემდეგ, ბუნებრივი ბეწვის გამოყენებაზე უარი დიზაინერმა ჯონ გალიანომაც თქვა.

Margiela-ს სახლის კრეატიული დირექტორი ამბობს, რომ გადაწყვეტილების მიღებაში ცხოველთა უფლებების დამცველი ორგანიზაცია Peta დაეხმარა.

"ერთ ზაფხულს, პენელოპე კრუზთან ერთად ვცურავდი სან-ტროპეში, როცა წყლიდან უცებ პეტას ვიცე-პრეზიდენტის, დენ მეთიუსის თავი ამოიზარდა. ზუსტად ისე იყო, როგორც ფილმ "ყბებშია". მერე საუბარი გავაბით და მან მომიყვა, როგორ ექცევიან ცხოველებს ჩინეთში, ბეწვისთვის შექმნილ ფერმებში. მივხვდი, რომ ცხოველების ტანჯვის გარეშეც შეგიძლია იყო თამამი და გამორჩეული", - ამბობს გალიანო.

ამ ნაბიჯის გადადგმა დიზაინერისგან მოსალოდნელიც კი იყო, რადგან ცოტა ხნის წინ ის ვეგეტარიანელი გახდა.