ლეგანდარული ქართველი მსახიობი, ლეილა აბაშიძე ჯანმრთელობის მდგომარეობის გაუარესების გამო ხეჩინაშვილის საავადმყოფოში გადაიყვანეს. მედიკოსების თქმით, მას თავის ტვინის იშემიური ინსულტი მოუვიდა და მდგომარეობა კრიტიკულია.

ლეილა აბაშიძე ამ დროისთვის რეანიმაციულ განყოფილებაშია და არსებული ინფორმაციით, 16:00 საათზე ექიმების კონსილიუმი შეიკრიბება და მის შემდგომ მკურნალობის კურსზე იმსჯელებენ.

მსახიობი 1940 წლიდან მუშაობდა კინოსტუდია "ქართულ ფილმში", 1941 წელს ითამაშა კატოს როლი კონსტანტინე პიპინაშვილის ფილმში "ქაჯანა". 1951 წელს დაამთავრა თბილისის რუსთაველის სახელობის თეატრალური ინსტიტუტის სამსახიობო ფაკულტეტი. 1966 წელს ქალის როლის საუკეთესო შესრულებისათვის სიკო დოლიძის ფილმში "შეხვედრა წარსულთან" ლენინგრადის საკავშირო კინოფესტივალის პირველი პრემია მიიღო.

მსახიობი თამაშობდა ისეთ ფილმებში როგორებიცაა - ჭრიჭინა, აბეზარა, შეხვედრა მთაში, მაია წყნეთელი და სხვა.

ლეილა აბაშიძე 88 წლის არის.