თუ და-ძმებს შორის ყველაზე უფროსი ხართ და დარწმუნებული ხართ, რომ მათზე ბევრად ჭკვიანი ხართ, დიდი შანსია, მართალი იყოთ. ედინბურგის უნივერსიტეტის ახალი კვლევის თანახმად, პირველ შვილებს უფრო მაღალი IQ აქვთ, ვიდრე მათ უმცროს დედმამიშვილებს. მიზეზი რთულად ამოსაცნობი არაა. პირველი ბავშვები მეტ ყურადღებას იმსახურებენ, ყოველ მომდევნო შვილზე კი მშობლების მიერ დახარჯული ძალისხმევა (თამაშები, დრო, ყურადღება) მცირდება.

მკვლევარების თქმით, ერთ ოჯახში გაზრდილი ბავშვები, როგორც წესი, ერთნაირ ემოციურ მხარდაჭერას იღებენ დედ-მამისაგან, თუმცა მშობლები პირველ ბავშვებს ბევრად უფრო აქტიურად ეხმარებიან განმავითარებელი დავალებების შესრულებაში.

კვლევაში 5000-მდე ბავშვი მონაწილეობდა, რომელთა განვითარებასაც მეცნიერები 2-დან 14 წლამდე აკვირდებოდნენ.