შეიძლება უკმაყოფილო იყოთ თქვენი ცხოვრებით - არა საკმარისი ფული, ცუდი სამსახური, ჩახლართული და დამღლელი ურთიერთობები და ა.შ. მოკლედ რომ ვთქვათ, ყველას გვქონია დაუკმაყოფილებლობის განცდა, როდესაც სულ მცირედი პერსპექტივაც არსაიდან ჩანს.

"თუ თქვენ სამსახურში ვერ აღწევთ წარმატებას, ან თუნდაც სასიყვარულო ურთიერთობებში არ გიმართლებთ, გამოიჩნეთ საკმარისი სიმამაცე, რათა თქვენი ცხოვრება ერთხელ და სამუდამოდ შეცვალოთ. არავინ იცის რამდენ ხანს იცოცხლებთ, ამიტომ ნუ დაკარგავთ დროს წარუმატებლობასა და უიღბლობაში", - ამბობდა 27 წლის ავსტრალიელი გოგო, რომელიც თავისი ცხოვრების უკანასკნელ დღეებში შემაერთებელი ქსოვილების სიმსივნის იშვიათ ფორმას, სარკომას ებრძოდა.

ჰოლი ბუჩერმა გარდაცვალებამდე რამდენიმე დღით ადრე წერილის გამოქვეყნება გადაწყვიტა, სადაც ის საკუთარი გამოცდილების შესახებ წერს და აღნიშნავს თუ რამდენად ძვირფასია ჩვენი ცხოვრების თითოეული წამიც კი.

წაიკითხეთ 27 წლის მომაკვდავი გოგოს წერილი, რომელიც ღიმილსა და ბედნიერებას მოგგვრით, რადგან თქვენ ცოცხლობთ.

ჰოლის ღია წერილი, რომელიც გარდაცვალებამდე გამოაქვეყნა

"ძალიან უცნაურია, რომ მხოლოდ 26 წლის ასაკში აანალიზებ - შენი მოახლოებული სიკვდილი ეს ერთ-ერთი რამაა, რასაც უბრალოდ აიგნორებ. დღეები ერთი მეორის მოყოლებით მოდის და ფიქრობ, რომ ასეც უნდა იყოს. ყოველთვის წარმომედგინა ჩემი თავი ასაკიანი, ჭაღარა, ოჯახით გარშემორტყმული. ეს ყველაფერი ახლაც მინდა. დიახ, ასეთია ცხოვრება, მოულოდნელობებით სავსე. ყოველი დღე კი საჩუქარია.

სულ რაღაც 27 წლის ვარ და რა თქმა უნდა, არ მინდა წასვლა, მაგრამ ეს ჩემ ხელთ არაა. ამ წერილს არ ვწერ როგორც ''გამოსათხოვარ წერილს" უბრალოდ მინდა ადამიანებს დავანახო, რომ ცხოვრებაში თურმე ძალიან ბევრი რამ არის უმნიშვნელო.

ბევრს ვწერ, ძირითადად ღამით, ეს სწორედ ის დროა, როდესაც ყველაზე მეტს ვფიქრობ, როდესაც რაიმე ისეთზე ნერვიულობ რაც უმნიშვნელოა, ვიღაც ხომ გაცილებით სერიოზული პრობლემის წინაშეა. ამიტომ იყავი მადლობელი პატარა პრობლემემისთვის და უბრალოდ დაიკიდე. მერე რა თუ აცნობიერებ, რომ რამე რიგზე არ არის, არ იდარდო, რადგან შენი განწყობები სხვა ადამიანებზეც ვრცელდება, მათ შორის ნეგატივიც.

როცა ამას მოახერხებ გარეთ გადი და სუფთა ჰაერი ღრმად ჩაისუნთქზე, ცასა და მწვანე ბალახს დააკვირდი. იფიქრე იმაზე თუ რა ბედნიერი ხარ, რომ უბრალოდ სუნთვა შეგიძლია.

შეიძლება საცობშიც გაიჭედო, ან შვილებმა დაძინების საშუალება არ მოგცენ, შეიძლება ცუდი ვარცხნილობაც ატარო, ან ხელოვნური ფრჩხილი მოგძვრეს, მაგრამ ეცადე, რომ ამაზე დარდში დრო არ გაიყვანო, უბრალოდ დაიკიდე. დამიჯერე, ამაზე ნაკლებად იფიქრებ როცა წასვლის დრო მოვა.

ვოცნებობ, რომ მქონდეს ერთით მეტი დაბადების დღე, ახალი წელი, თუნდაც ერთი დღე ჩემს საყვარელ ადამიანებთან ერთად. როდესაც ესეთ მდგომარეობაში ხარ უკვე აზრს კარგავს ფულის ხარჯვა და ძვირადღირებული კაბების ყიდვა, რატო უნდა დახარჯო ფული მატერიებში როცა ეს უმნიშვნელოა. უმჯობესია მეგობრები გაახარო, სასიერნოდ წაიყვანო ან გემრიელი საჭმელი მოუმზადო. უბრალოდ უყიდე ყვავილები და უთხარი რო ძალიან გიყვარს.

წელს ოჯახში საახალწლო საჩუქრები არ გვიყიდია და ნაძვიც ცარიელი ჩანდა, მაგრამ არაუშავს, ჯობია სხვადასხვა დროს, ენერგიასა და ფულს ვხარჯავდეთ ახალ გამოცდილებებზე და არა მატერიალურზე.

შეწყვიტე ყველაფრის გადაღება, ეს შენი ცხოვრებაა და შენ არ ცხოვრობ სხვა ადამიანებისთვის, ამიტომ უბრლოდ დატკბი იმ ერთი წამით, ერთი მომენტით. ადექი ადრე და მოუსმინე ჩიტებს, უყურე მზის ამოსვლასაც, უსმინე მუსიკას, განსაკუთრებით ძველ მუსიკას. მე უკვე მენატრება ეს ყველაფერი, მეგობრები, მოგზაურობა, სიცოცხლე და საყვარელი საქმის კეთება.

უარი თქვი იმაზე, რისი გაკეთებაც არ გინდა, ვინ რას იფიქრებს მეათე ხარისხოვანია და რაც მთავარია, ხშირად უთხარი შენს საყვარელ ადამიანებს, რომ ძალიან გიყვარს. ეს არის ჩემი გულწრფელი რჩევა, გაითვალისწინებ თუ არა, შენი ნებაა.

და ბოლოს, თუ შეგიძლია კეთილი საქმის კეთება ხალხისთვის (მათ შორის ჩემთვის) გააკეთე, ჩააბარე სისხლი, ის შენ უკეთ გაგხდის, რადგან გეცოდინება, რომ ვინმეს გადაარჩენა შეგიძლია. პირადად მე სისხლის დონაციამ საშუალება მომცა, რომ კიდევ ერთი წელი მეცოცხლა. წელი რომელმაც საშალება მომცა ოჯახთან მეტი დრო გამეტარებინა და მთელი ეს დრო ჩემს ცხოვრებაში ერთ-ერთი ყველაზე საუკეთესო მომენტებით დახუნძლული აღმჩნდა.

მანამ, სანამ ისევ შევხვდებით. ჰოლი."