ჰოლივუდის უცხოური პრესის ასოციაციამ ოქროს გლობუსის ნომინაციების წარმდგენთა პირველი და მეორე ნაწილი უკვე წარადგინა.

როგორც ცნობილი გახდა, ბევერლი ჰილტონის სცენიდან გამარჯვებულებს პრიზებს გალ გადოტი, პენელოპე კრუზი, კერი ვაშინგტონი, ემი პოლერი, სეთ როგანი, კრის ჰემსვორტი, იზაბელ იუპერი, სარა ჯესიკა პარკერი, ჰიუ გრანტი, ჰოლი ბერი, შერონ სტოუნი, ალისია ვიკანდერი, რიკი მარტინი, ემა უოტსონი, დარენ კრისი, ჯეი ქეი სიმონსი, შირლი მაკკლეინი და ნილ პატრიკ ჰარისი გადასცემენ.

ჯერ-ჯერობით უცნობია თუ ვინ გადასცემს საპატიო ჯილდოს ოპრა უინფრის, რომელიც სესილი დემილის სახელობის გლობუსის 2018 წლის ლაურეტია, თუმცა რამდენიმე საათის წინ ცნობილი გახდა ნომინაციების წარმდგენთა მესამე ნაწილი.

ბევერლი ჰილტონის სცენაზე ვიხილავთ: კიმ ჰარინგტონს, ემილია კლარკს, ჰელენ მირენს, ემა სტოუნს, ჯენიფერ ენისტონსა და ანჯელინა ჯოლის.

ოქროს გლობუსის რიგით 75-ე ცერემონიას, რომელიც 7 იანვარს გაიმართება, წელს Late Night-ის წამყვანი სეთ მეიერსი წაიყვანს.