ტომ ჰენკსი, სტივენ სპილბერგი და მერილ სტრიპი თავიანთი ახალი ფილმის The Post პრომოუშენით არიან დაკავებულები, თუმცა როგორც გაირკვა, ჰენკსი უარზეა მისი ფილმი თეთრ სახლში უჩვენონ.

ინტერვიუში მსახიობი ამბობს, რომ არ გაუხარდება თუ მის ახალ ფილმს დონალდ ტრამპის ამჟამინდელ რეზიდენციაში უჩვენებენ.

"ნოემბერში თეთრ სახლში დაგვპატიჟეს ჩვენი ახალი ფილმის საჩვენებლად, თუმცა უარი ვთქვით, რადგან გუნდის არც ერთი წევრისთვის სასიამოვნო არ იქნებოდა იმ გარემოში მოხვედრა, სადაც ნეო-ნაცისტი დონალდ ტრამპი ცხოვრობს და რასისტულ, ქსენოფობიურ და ჰომოფობიურ განცხადებებს აკეთებს. ეს ჩვენი ფილმია და ჩვენ გადავწყვეტთ სად მივიდეთ მის ჩვენებაზე და სად არა", - ამბობს ოსკარის მფლობელი მსახიობი.

ფილმის სიუჟეტი The Washington Post-ის გამომცემლების ბენ ბრედლისა (ტომ ჰენკსი) და კეი გრეჰემის (მერილ სტრიპი) გარშემო ვითარდება, რომლებიც ვიეტნამის ომზე საიდუმლო მასალებს აღმოაჩენენ, რის გამოც ფედერალური აგენტები მათ განადგურებას გადაწყვეტენ.

ფილმის ეკრანზე 2017 წლის 22 დეკემბერს გამოვა, თუმცა მხოლოდ რამდენიმე კინოთეატრში. რაც შეეხება მსოფლიო პრემიერას ის 2018 წლის იანვარში იგეგმება.