თანამედროვე მედიცინაში ხელოვნური ინტელექტის როლი სულ უფრო და უფრო იზრდება. მისი დახმარებით, მარტივდება როგორც მკურნალობის, ისე კონსულტაციების გზებიც. ამ ტექნოლოგიაზე შექმნილი სხვადასხვა პლატფორმის დახმარებით, დღეს უკვე სახლიდან გაუსვლელადაც კი შეიძლება საკუთარ ჯანმრთელობაზე წარმოდგენის შექმნა.

Mydoc.ge ჯანდაცვის პირველი ქართული ციფრული პლატფორმაა, რომელიც თქვენ მიერ მითითებულ სიმპტომებზე დაყრდნობით დიაგნოზს დაგისვამთ. პლატფორმა ხელოვნური ინტელექტისა და მანქანური სწავლების ტექნოლოგიებს იყენებს, რათა თქვენ, თქვენი ჯანმრთელობის შესახებ, მაქსიმალურად ზუსტი სურათი შემოგთავაზოთ. ამისათვის სულ რამდენიმე წუთია საჭირო.

ფოტო: კადრი ვიდეოდან / Mydoc.ge

ჯანდაცვის ციფრული პლატფორმის კიდევ ერთი პლუსი ისაა, რომ ის მყისიერ ინფორმაციას გაწვდით თქვენი მდგომარეობის შესახებ. ხშირად, როცა ადამიანი თავს შეუძლოდ გრნობს, ექიმთან წასვლამდე ინფორმაციას ოჯახის წევრებისგან, მეზობლებისგან ან ნაცნობებისგან იღებს. შედეგად, არასწორად მოიხმარს მედიკამენტებს და თვითმკურნალობის მცდარ გზას ადგება. სწორედ ამგვარი რისკებისგან თავის დასაცავად, ხელოვნურ ინტელექტზე დაფუძნებული ციფრული პლატფორმა მაქსიმალურად ზუსტი დიაგნოზის დასმაში დაგეხმარებათ.

პლატფორმის საიდუმლო ისაა, რომ მასში 3500-ზე მეტი სამედიცინო წიგნიდან არის ინფორმაცია ჩატვირთული. საიტზე სიმპტომების მითითების შემდეგ, სპეციალური ალგორითმი მონაცემების გადამუშავებას იწყებს და მიღებულ შედეგს სამედიცინო ლიტერატურაში არსებულ ინფორმაციას ადარებს.

ამის შემდეგ, საიტზე ადვილად შეამჩნევთ იმ დაავადებების სიას, რომელიც შეიძლება გჭირდეთ. საიტი მათ რეიტინგებად ყოფს და თითოეულ გამოტანილ დაავადებას პროცენტს ანიჭებს. რაც უფრო მაღალია მიღებული პროცენტი, მით უფრო მეტი შანსია, რომ დიაგნოზი სწორედ ის იყოს. გარდა ამისა, სპეციალური ალგორითმი დაავადებების ერთ მილიონამდე ისტორიას ინახავს, რომელსაც დიაგნოზის დადგენისას იყენებს.

Mydoc.ge-ზე თქვენი სავარაუდო დიაგნოზის დადგენის შემდეგ, საშუალება გეძლევათ აირჩიოთ თქვენი დაავადების მკურნალი ექიმი და საავადმყოფო. ამის საშუალებას საიტის მარტივი კონცეფცია გაძლევთ. საკმარისია აირჩიოთ ექიმის განყოფილება და საიტი თქვენი გეოგრაფიული მდებარეობის შესაბამისად, საუკეთესო არჩევანს შემოგთავაზებთ.

საიტზე ჩატარებული ტესტირების შემდეგ, თქვენი ინფორმაცია იმ ექიმისთვისაც ხელმისაწვდომია, რომელთან კონსულტაციასაც გეგმავთ. შედეგად, მოიგებთ დროს და შეამცირებთ რისკებსა და ხარჯებს.

სამომავლოდ, პროექტის ავტორები ფუნქციების დამატებასაც გეგმავენ. მაგალითად, უახლოეს ხანებში შესაძლებელი იქნება ექიმებთან ონლაინ კონსულტაცია, დიაგნოზის დაზუსტება და ა.შ. ასევე, შესაძლოა თქვენი სამედიცინო ისტორიის ინტეგრირებაც მოხერხდეს, რომელზეც ნებისმიერ დროს გექნებათ წვდომა.