ერთი თვის წინ ტესლამ ახალი სატვირთო მანქანის, Semi-ს, გამოშვება დააანონსა. თუმცა მისი წარმოებაში ჩაშვება 2019 წლიდან იგეგმება და ჯერჯერობით უცნობია, როდის გამოვა პროდუქტი ბაზარზე.

ამასობაში, ილონ მასკის კომპანიას ძლიერი კონკურენტი გამოუჩნდა.

ლოს-ანჯელესური სტარტაპი Thor Truck-ს ელექტრო სატვირთოების გამოშვებასა და გაყიდვას სწორედ 2019 წელს გეგმავს.

კომპანიამ ET-One-ის პროტოტიპი ცოტა ხნის წინ წარმოადგინა.

ფოტო: Thor Trucks

ET-One $150 ათასი ეღირება, თუმცა კომპანიაში ამბობენ, რომ სატვირთოს შენახვა ბევრად იაფი იქნება, ბაზარზე არსებულ დიზელზე მომუშავე მანქანებთან შედარებით.

60%-ით ნაკლები ხარჯი ცვეთის მხრივ, 70%-ით ნაკლები ხარჯი საწვავზე და 100%-ით ნაკლები გამონაბოლქვი - ეს არის პირობა, რომელსაც კომპანია დებს.

ET-One მოკლე მანძილიზე გადაზივებისთვისაა შექმნილი და ერთ დამუხტვაზე 480 კმ.-ს დაფარვა შეეძლება.