გიორგი ისაკაძე: ყველაზე დიდი ჟანგბადი, რაც კაცმა შეიძლება ოჯახს მისცეს, მათთან ურთიერთობაა

30 Nov. 2017, 15:08

წუთს ან წამს არ ვტოვებ თვისუფალს, რომ შვილებთან, მეუღლესთან და ოჯახთან ერთად არ გავატარო. ყველაზე სამწუხაროა, რომ ეს დრო ყოველთვის დეფიციტშია და ამის აღნიშვნა მიწევს. შვილების აღზრდა როდის აქეთ გახდა მხოლოდ დედის დისკრეცია, ვერ გეტყვით, ეტყობა რაღაც ძველთან და სტერეოტიპულთან გვაქვს საქმე, ან იმ ხანაში ჩავრჩით,როცა მამრები სადავლზე ან ნადირობით დაკავდებოდნენ, ოჯახი რომ გამოეკვებათ.

ყველაზე დიდი კვება და ჟანგბადი რაც კაცმა შეიძლება მისცეს ოჯახს და შვილებს, არის სწორედ მათთან ერთად ყოფნა, აქტიური კონტაქტი, ურთიერთობა. ჩემს ოჯახს და შვილებს ყოველდღიურად გადავცემ მთავარს, რომ არ გაიმეორონ ის შეცდომები, რაც დავუშვი მე, ოჯახის სხვა წევრებმა და უფროსი თაობის წარმომადგენლებმა. რა კორექტივები უნდა შევიტანოთ ყოველდღიურობაში და ერთად ყოფნაში, რომ ვიყოთ უკეთესი შვილები, მეგობრები, ნათესავები, უბრალო მოქალაქეები და ადამიანები. მე მათთან ერთად ვიზრდები და ვცდილობ, მათთან ერთად გავხდე უკეთესი. და ალბათ განათლება, ეს არის მთავარი, რაშიც არასდროს არაფერს დავიშურებ.

მიხარია, რომ ოჯახში ბუნებრივად და მხოლოდ თავისუფალი დროის რეჟიმით გვაქვს გადანაწილებული საქმეები და არც ეს მიმაჩნია განსაკუთრებული აღნიშვნის ღირსად.

ბოლო ამბები:

გიორგი ისაკაძე გიორგი ისაკაძე: ყველაზე დიდი ჟანგბადი, რაც კაცმა შეიძლება ოჯახს მისცეს, მათთან ურთიერთობაა

კომენტარები

კვირის ტოპ-5

გირჩევთ

ახლა კითხულობენ

"რუსთავი აზოტის“ გაფიცულ თანამშრომლებსა და საწარმოს შორის შეთანხმება შედგა