როგორც აღმოჩნდა, 2018 წლის გრემის ნომინაციების კატეგორიებში ქალები არც ისე მრავლად არიან, სამაგიეროდ JAY-Z-ს 9 ნომინაცია აქვს, კენდრიკ ლამარს - 7, ხოლო ბრუნო მარსს - 6.

კატეგორიაში, წლის საუკეთესო ჩანაწერი, ქალები საერთოდ არ არიან წარმოდგენილნი. ამ კატეგორიების ნომინანტები არიან:

  1. Childish Gambino - Redbone;
  2. Luis Fonsi, Daddy Yankee და Justin Bieber - Despacito;
  3. JAY-Z - The Story of O.J.;
  4. Kendrick Lamar - HUMBLE;
  5. Bruno Mars - That's What I Like.

რაც შეეხება წლის საუკეთესო ალბომის ნომინანტებს, აქაც მხოლოდ ერთი ქალია - Lorde, თავისი 2017 წლის ალბომით Melodrama. ნომინაციაში არ არიან თეთრკანიანი კაცებიც.

  1. Jay-Z’s - 4:44;
  2. Kendrick Lamar - Damn;
  3. Bruno Mars - 24K Magic;
  4. Lorde - Melodrama;
  5. Childish Gambino - Awaken, My Love!.

ბოლო წლებში გრემის აკრიტიკებდნენ, რომ არათეთრკანიანი არტისტები დაჯილდოებებზე იჩაგრებოდნენ, განსაკუთრებით მას შემდეგ, რაც 2017 წელს ადელმა 5 გრემი მოიპოვა, ბიონსემ კი მხოლოდ 2. ბიონსემ წლის საუკეთესო ალბომის ჯილდო 2015 წელსაც ვერ მიიღო, როდესაც Beck-თან დამარცხდა.

წელს ნომინაციების გარეშეა ტეილორ სვიფტის მეექვსე ალბომი Reputation, რომელიც მან 10 ნოემბერს გამოუშვა. ამის მიზეზი კი ისაა, რომ ალბომი გრემის დედლაინის ამოწურვის შემდეგ გამოვიდა. მუსიკოსმა ნომინაციები შესაძლოა 2019 წლის გრემიზე მოიპოვოს.

თუმცა 10 გრემის მფლობელი სვიფტი ნომინაციების გარეშე არ დარჩენილა, ის ფილმისთვის დაწერილი საუკეთესო სიმღერის [I Don't Wanna Live Forever] და საუკეთესო ქანთრის სიმღერის [Better Man] ავტორობით ნომინანტებს შორისაა.

გრემი 2018 ნიუ-იორკში 28 იანვარს გაიმართება.