ისნის სპეცოპერაციის საქმეზე დაკავებულის სახაზინო ადვოკატი, იმედა ქარქაშაძე ჟურნალისტებთან საუბრისას აცხადებს, რომ მისი დაცვის ქვეშ მყოფი პირი რუსეთის მოქალაქეა. ამის შესახებ ადვოკატმა დღეს 23 ნოემბერს, სახელმწიფო უსაფრთხოების სამსახურის შენობასთან ისაუბრა, სადაც დაკავებულს ბრალს წაუყენებენ.

ადვოკატის განცხადებით, დაკავებულის სურვილია, რომ მისი ვინაობა არ გასაჯაროვდეს:

"ის მანამდე არის დაკავებული, სანამ სპეცოპერაცია დაიწყებოდა. არანაირი კავშირი არ აქვს მას ტერორისტულ ორგანიზაციასთან. დაკავებულს ბრალს დღეს წაუყენებენ".

21-22 ნოემბრის სპეცოპერაციის შედეგად, დაიღუპა ერთი სპეცრაზმელი და დაჭრილია ოთხი სამართალდამცავი. სახელმწიფო უსაფრთხოების სამსახურის ცნობით, ლიკვიდირებულია დანაშაულებრივი ჯგუფის სამი წევრი.

სპეცოპერაციის გამო მიმდებარე ტერიტორიიდან ევაკუირებული იყო მოსახლეობა, სკოლასა და სამ ბაღში კი სასწავლო პროცესი შეწყდა. სპეცოპერაციის შესახებ არაერთი მნიშვნელოვანი დეტალი და გარემოება ამ დრომდე უცნობია.

რა ვიცით და რა არ ვიცით ისნის სპეცოპერაციის შესახებ