21-22 ოემბერს თბილისში, ისანში ჩატარებულ სპეცოპერაციაზე, დეტალური ინფორმაციის წარდგენას ელოდებიან ევროპულ საქართველოში. როგორც პარტიაში აცხადებენ, არ არის გამორიცხული კითხვებზე პასუხის გასაცემად უმცირესობამ პარლამენტში ძალოვან უწყების პირველი პირებიც დაიბაროს.

"კითხვები უნდა დაისვას, კითხვები არსებობს, ეს არ არის პოლიტიკოსების მოგონილი კითხვები, ეს არის რეალური კითხვები, მათ შორის ვინაობაზე ამ ტერორისტების თუ ესენი ტერორისტები იყვნენ. რას აპირებდნენ, იარაღი როგორ გაჩნდა იქ, ეს არის ლეგიტიმური კითხვები,"- ევროპული საქართველოს წევრის, სერგი კაპანაძის განცხადებას ავრცელებს პარტიის პრესსამსაური.

21-22 ნოემბრის სპეცოპერაციის შედეგად, დაიღუპა ერთი სპეცრაზმელი და დაჭრილია ოთხი სამართალდამცავი. სუს-ის ცნობით, ლიკვიდირებულია დანაშაულებრივი ჯგუფის სამი წევრი. სპეცოპერაციის გამო მიმდებარე ტერიტორიიდან ევაკუირებული იყო მოსახლეობა, სკოლასა და სამ ბაღში კი სასწავლო პროცესი შეწყდა. სპეცოპერაციის შესახებ არაერთი მნიშვნელოვანი დეტალი და გარემოება ამ დრომდე უცნობია.