ირეზუმი იაპონური ტრადიციული ტატუირების ფორმაა, რომელმაც დიდი გავლენა იქონია თანამედროვე იაპონური ტატუს მიმდინარეობებსა და ვიზუალზე. დღეისათვის, იაპონური ტატუ და განსაკუთრებით კი ირეზუმი, სულ უფრო პოპულარული ხდება მთელს მსოფლიოში, თუმცა, თავად იაპონიაში, ორგანიზებულ კრიმინალურ დაჯგუფება იაკუძასთან ასოცირების გამო, არცთუ კარგი რეპუტაციით სარგებლობს.

წარსულში ირეზუმი არამექანიზირებული ხელსაწყოებით იხატებოდა და განსაკუთრებულ საშემსრულებლო ოსტატობას მოითხოვდა, რომელსაც ტებორი ეწოდება. დღეისათვის ტებორის უპირატესობას ტრადიციული ტატუირების მოყვარულები და ენთუზიასტთა წრეები ანიჭებენ. მათი თქმით, ამ ტექნიკის გამოყენებით, ისეთი გარდამავალი ჩრდილები მიიღება, რომლის შესრულებაც თანამედროვე ხელსაწყოებით შეუძლებელია. ასევე ცნობილია რომ ტებორის იყენებენ იაკუძას წევრებიც, რადგან მათთვის იგი გამძლეობასთან და სიმტკიცესთან ასოცირდება.

კრიმინალური სამყაროს კავშირი იაპონურ ტატუს ხელოვნებასთან კი შემთხვევითი სულაც არ არის. ჯერ კიდევ ედოს პერიოდამდე (1603-1828 წლები), იაპონიაში პატიმრებისა და კრიმინალში მხილებული ადამიანებს, ჩადენილი დანაშაულის აღსანიშნად, შუბლზე შესაბამის ტატუს უკეთებდნენ. შესაბამისად, ტატუ თავდაპირველად კრიმინალურ წრეებში გავრცელდა, შემდეგ მეძავებში, მუშებში და სულ ბოლოს კი მოდის მოყვარულ მოქალაქეებს შორისაც მოიპოვა პოპულარობა, რომელიც დღეს უკვე იაპონიის ფარგლებს გასცდა.

ირეზუმის ყველაზე რთული ტატუები მთელ სხეულს ფარავს, რომელზეც ძრითადად იაპონური მითოლოგიისა და პოპულარული კულტურის ურჩხულები, დრაკონები, დემონები და სულებია გამოსახული. თითოეულ პერსონაჟს თავისი სიმბოლური დატვირთვა და ისტორია აქვს, რომელის აღწერასაც სურათების მეშვეობით გთავაზობთ.

1. დრაკონი (რიუ)

იაპონური მხატვრობის ყველაზე ცნობილი არსება დრაკონია, იგივე რიუ. დრაკონებს ბუნების ძალების ადამიანთა საკეთილდღეოდ მართვა შეუძლიათ და შესაბამისად კეთილდღეობის, სიბრძნისა და ძლიერების სიმბოლოებად არიან მიჩნეული.

დრაკონები ერთმანეთისგან განსხვავდებიან, რადგან, გადმოცემის თანახმად, რიუ სხვადასხვა მახასიათებლებს იძნეს, იმის მიხედვით თუ რომელ ცხოველთან გადაიკვეთება მისი მოგზაურობის გზა. ამიტომ რიუს ხშირად აქლემის თავით, გველის კისრითა და მუცლით, თევზი კოის ფარფლებით, არწივის, ქათმის ან ქორის ბრჭყალებითა და ირმის რქებით გამოსახავენ.

2. ტენგუ

ტენგუ იოკაის (ზებუნებრივი არსებები ან სულები) ერთ-ერთი განსახიერებაა. ისინ იძირითადად ომთან და განადგურებასთან ასოცირდებიან. მიუხედავად იმისა რომ ტენგუ დღეს ძრითადად ადამიანის ფორმით გამოისახება, ადრე არსებობდა წარმოდგენა რომ მათ მტაცებელი ფრინველის ფორმის მიღება შეეძლოთ, ამიტომ ამ დემონური არსებების გრძელი ცხვირი, ნისკარტის განასახიერებს. ტენგუს ხშირად მრისხანე და საშიში გამომეტყველებით გამოხატავენ, ხოლო მათი წითელი ფერი ომისა და მილიტარიზმის სიმბოლოა.

3. კაპპა

მითი ამ საშინელი ორფეხა კუს შესახებ, სათავეს გიგანტური სალამანდრებიდან იღებს, რომლებიც მდინარის ნაპირებიდან ამოდიოდნენ ხმელეთზე და ძლიერი ყბებით, მოულოდნელად იტაცებდნენ მსხვერპლს. კაპპა მოუსვენარი, შარიანი და მატყუარა არსებაა, რომელიც ხშირად იტაცებს კიმონოებს, პატარა ბავშვებს და თავს ესხმის ახალგაზრდა ქალებს.

მთავარი, რაც კაპპას შესახებ უნდა იცოდეთ, არის პატარა ფიალას მსგავსი ჩაღრმავება მის თავის ქალაზე, რომელიც წყლით არის სავსე. თუკი ეს ფიალა მშრალია, მაშინ კაპპა კარგავს თავის ძალასა და შესაძლებლობებს. ამიტომ, თუკი კაპპას დამარცხება გსურთ, შეგიძლიათ მისალმებისა და პატივისცემის ნიშნად, თავი დაუკრათ. ყველაფრის მიუხედავად, იგი საკმაოდ ზრდილობიანია და აუცილებლად დახრის თავს საპასუხოდ, რა დროსაც წყალი გადმოიღვრება მისი თავიდან და ზიანს ვეღარ მოგაყენებთ.

4. ფუჯინი

ფუჯინი ქარის იაპონური ღმერთია. მას ძირითადად ონის (დემონი) ფორმით გამოხატავენ, რომელიც ჯადოქრის ძალაუფლებას ფლობს და მკვეთრი ლურჯი ან მწვანე ფერის კანი აქვს. ფუჯინი ქარს ზურგზე მოკიდებული მოჯადოებული ტომრის საშუალებით მართავს.

5. რაიჯინი

რაჯინი ფუჯინის ძმა და ჭექ-ქუხილის ღმერთია. მას ხშირად გამოხატავენ ჯადოსნური დოლებით, რომელებზე დარტყმითაც წარმოქმინის ჭექა-ქუხილსა და საზარელ ხმაურს. ლეგენდის თანახმად ორივე ძმა მებრძოლი ხასიათისაა და შტორმი მათ შეტაკებების შედეგია.

6. კირინი

კირინი იაპონური ფოლკლორის კიდევ ერთი ჯადოსნური ქმნილებაა, რომლის განსაკუთრებული გარეგნობა ლიდერისა და მმართველის სიმბოლოა. მიუხედავად იმისა, რომ იგი სიკვდილთანაც ასოცირდება, კირინი მაინც დადებითი ქმნილებაა, რომელიც უკეთეს მომავალს განასახიერებს, რომელიც გლოვის შემდეგ დგება.

კირინი ტრადიციულად ირმის ტანით, დრაკონის თავით, თევზის ფარფლებით, ცხენის ჩლიქებით, ლომის დადარით, ხარის კუდითა და რქებით გამოისახება.

7. ბაკუ

ლეგენდის თანახმად ბაკუ მითიური ქმნილებაა რომლიც ღამის კოშმარებისგან იცავს ადამიანებს. იაპონიაში ხშირად შეხვდებით ბაკუს თილისმებს, რომლებსაც საძნებლებში ანთავსებენ. ბაკუს ძირითადად სპილოს თავით, ვეფხვის ბრჭყალებით, დათვის ტანითა და ხარის კუდით გამოსახავენ.

8. კარაჯიში

კარაჯიში იაპონური ფოლკლორის პოპულარული არსებაა, რომელსაც ხშირად "მხეცთა მეფეს" ან "მცველ ლომს" უწოდებენ. ამ ლომის მსგავსი არსებების ქანდაკებებს, ადგილის ავი სულებისგან დასაცავად, ხშირად შენობებისა და ტაძრების შესასვლელში ათავსებდნენ. კარაჯიშის ლომები სიმამაცისა და დაცვის სიმბოლოა.

9. კოი

ეს თევზი ძალიან დიდიხანია იაპონური ხელოვნების ნაწილია. იგი ბევრ რამეს შეიძლება განასახიერებდეს, თუმცა ყველაზე ხშირად კოის დღეგრძელობასთან, შეუპოვრობასთან და ცხოვრებისეული სიძნელეების გადალახვასთან აკავშირებენ.

10. ჰოუ-ოუ (ფასკუნჯი)

იაპონიაში, ჰოუ-ოუ, იგივე ფასკუნჯი, საიმპერატორო ოჯახის სიმბოლოა. ეს მითიური ფრინველი მრავალ რამეს განასახიერებს, მათ შორის ერთგულებას, ცეცხლს, სამართლიანობას, მორჩილებასა და მზეს. საინტერესოა რომ ეს ცეცხლოვანი ფრინველი ერთდროულად ჰარმონიისა და ქაოსის სიმბოლოა. იგი ციდანმშვიდობიანი პერიოდის დროს, ეშვება დედამიწაზე, ხოლო უკან, თავის ასტრალურ სამყოფელში, ომიანობის დროს ბრუნდება. სწორედ ამიტომ ჰოუ-ოუს ახალი ეპოქის ემბლემაა, რაც არ გულისხმობს მხოლოდ უკეთეს დროებას.

ირეზუმიში როგორც წესი ფრინველის სხეულით გამოხატავენ, განსაკუთრებით გრძელი კისრით, გველის კანითა და ფარშევანგის კუდით.

11. ონი

იაპონურ კულტურაში ონი - დემონია, იგივე ეშმაკი. ძირითადად ადამიანის ფორმით გამოისახება, თუ არ ჩავთვლით რქებს, ბრჭყალებს, ჩლიქებსა და ფერად კანს. იაპონურ მხატვრობაში ონი წელს ზევით შიშველია და შეიარაღებულია კატანათი ან კანაბოთი - დიდი საბრძოლო კვერთხით. ამ დემონებს ადამიანებისთვის განსაცდელი, სნეულება და ათასი უბედურება მოაქვთ.

12. კიცუნე (მელა)

კიცუნე ძალიან ჭკვიან, უკვდავ და ჯადოსნურ არსებად ითვლება. ზოგი გადმოცემის მიხედბით კიცუნე ზრდას განაგრძობს სიბერემდე, რათა გახდეს - ტენკო - ზეციური მელა. კიცუნეს შეუძლია მეხის სტოლა, ფრენა და სხვის გონებაში ოცნება. სხვა გადმოცემების მიხედვით მას ადამიანად გადაქცევა შეუძლია იმისთის რომ სიყვარული იპოვნოს ან გამოაცალოს სასიცოცხლო ენერგია მეგობრებს.

13. ჰები (გველი)

იაპონურ სიმბოლიზმში ჰები ფარრთოდ გამოიყენება, თუმცა ყველაზე ხშირად მას სიმდიდრისა და განძის ბასრკბილებიან მცველად გამოსახავენ. გველი ასევე ტრანსფორმაციის, ხელახალი დაბადებისა და ცხოვრების მუდმივი განახლების სიმბოლოა.

14. ფუდო მიუ

ფუდო მიუ, რაც იაპონურად "ბრძენი მეფე აკალა"-ს ნიშნავს, ბუდისტური ღვთაებაა, რომელიც ირეზუმის კანონიკაში რელიგიის გავრცელებასთან ერთად მოხვდა. მიუხედავად მრავალი თქმულებისა, ფუდო მიუ პირველ რიგში მორწმუნეთა მრისხანე მცველად, სულიერი სირთულეების დამმარცხებლად და მორწმუნეთა დამხმარედ ითვლება, გასხივოსნებისკენ მიმავალ გზაზე. მას ძირითადად მრისხანე სახით, შეჭმუხნული შუბლით, ბასრი ეშვებით, ელამი თვალებით და ვეჯით (სამპირა ხმალი) გამოსახავენ.

15. ჰეიკეგანი

ეს უკმაყოფილო გამომეტყველების მქონე კიბორჩხალები, რეალური არსებები არიან და მრავლად შეხვდებით იაპონიის სანაპიროებზე, ხოლო ლაქები მათ ზურგზე კი ნამდვილად მოგაგონებთ ადამიანის გაბრაზებულ სახეს. ჰეკეგანის, იგივე "დაცემული სამურაი", ირეზუმიში ბრძოლაში დაცემული მეომრების სიმბოლოა.