ბევრ ჩვენგანს სხვადასხვა სავაჭრო თუ სააფთიაქო ობიქტებზე საჩუქრად გადმოგვცემია ბონუს თუ ლოიალობის ბარათები, რის გამოც დღითი დღე ჩვენს საფულეში ბარათების რაოდენობა იზრდება.

გვინდა, რომ ყველა ბარათი ყოველდღიურად და საფულეთი ყველგან ვატაროთ, მაგრამ მათი სიმრავლის გამო შევჯერდებით მხოლოდ იმ ბარათებზე რომლებსაც უფრო ხშირად ვიყენებთ, ამიტომ გადარჩევის მექანიზმით ზოგ მათგანს ვტოვებთ სახლში ან მანქანაში იმ იმედით, რომ კონკრეტულად „დღეს არ დამჭირდება“, მაგრამ ყოფილა ბევრი შემთხვევა როდესაც ამის შესახებ გვინანია.

კომპანია ბილაინმა სტარტ აფის ფარგლებში შექმნა ინოვაციური აპლიკაცია, რომელიც ბონუს და ლოიალურ ბარათებს გააერთიანებს ერთ აპლიკაციაში.

საკმარისია თქვენს ტელეფონში გადმოწეროთ აპლიკაცია BCards, დაასკანეროთ ის ბონუს და ლოიალობის ბარათები რომლებსაც დატანილი აქვთ ბარკოდები ან QR კოდები, აირჩიოთ ბარათების კატალოგიდან ბარათის დასახელება და დაიმახსოვროთ აპლიკაციაში.

სავაჭრო თუ სააფთიაქო ობიქტებზე მისვლის შემდეგ არ შეგექმნებათ არანაირი უხერხულობა იმასთან დაკავშირებით, რომ ბარათი თან არ გაქვთ, თქვენი ყველა ბარათი არის თქვენს მობილურ ტელეფონში, ერთ მარტივ და მეგობრულ BCards აპლიკაციაში.

ამ მომენტისთვის სტარტ აფის ფარგლებში შექმნილ აპლიკაციაში თქვენ შეგიძლიათ დაამატოთ მხოლოდ ის ბონუს და ლოიალობის ბარათები რომლებსაც დატანილი აქვთ ბარკოდი ან QR კოდი, სხვა ბარათების დამატებასთან დაკავშირებით მიმდინარეობს სამუშაო პროცესი და სულ მალე შეძლებთ დაამატოთ ის ბარათები, რომლებსაც აქვთ მხოლოდ უნიკალური ნომრები.

სამომავლოდ, აპლიკაცია ითვალისწინებს უფრო მეტი ბონუს და ლოიალობის ბარათების ჩამატებას, ბონუსების დარიცხვის და სხვადასხვა შემოთავაზებების ასახვას.

iOS სისტემებისთვის აპლიკაციის გადმოწერა AppStore-დან შეგიძლიათ, ხოლო ანდროიდებისთვის კი - Google Store-დან.