ოთხ ნოემბერს, თბილისში დაარსებული ელექტრონული მუსიკისა და ციფრული ხელოვნების ფესტივალი - DECODER, კიდევ ერთ საღამოს უმასპინძლებს.

აუდიტორიის წინაშე ამჯერად ვეტერანი გერმანელი მუსიკოსები: Move D და Gerd Janson-ს წარსდგებიან.

თუმცა ეს ყველაფერი არ არის, მათთან ერთად დაუკრავენ ქართველი არტისტები - Zurkin და VAKHO.

მდიდარი დისკოგრაფიის მქონე ვეტერანი სელექტორისა და მუსიკალური იმპროვიზატორის David Moufang-ის შემოქმედება 90-იანი წლებიდან იწყება და მრავალ მუსიკალურ მიმართულებას აერთიანებს. მისი ტრეკები გამოიცემა ისეთ ლეიბლებზე, როგორიცაა: Warp Records და Workshop. მისი ტექნოს კლასიკად აღიარებული სადებიუტო ალბომი Kunststoff, კი დღემდე დიდ გავლენას ახდენს თანამედროვე არტისტებზე.

რაც შეეხება, Move D-ს კარიერას, ის რამდენიმე ათეულ კოლაბორაციულ პროექტს ითვლის, მათ შორის ყველაზე გამორჩეულია Magic Mountain High, Move D / Namlook, Deep Space Network. ფრანკფურტის საკულტო კლუბის Robert Johnson-ის რეზიდენტი და Red Bull Music Academy-ს წარმომადგენელი Gerd Janson წლების განმავლობაში იყო ლეგენდარული Liquid Club ღამეების მასპინძელი.

დამატებითი ინფორმაციის მისაღებად, შეგიძლიათ ეწვიოთ ივენთის ფეისბუქ გვერდს.