ერთ-ერთი ყველაზე პოპულარი და გავლენიანი ამერიკელი ფოტოგრაფი, ტერი რიჩარდსონი ცოტა ხნის წინ სექსუალურ შევიწროებაში დაადანაშაულეს და სწორედ ამ მიზეზით, მისი 52 წლიანი კარიერა დასრულდა.

პირველად განცხადება ამ თემასთან დაკავშირებით კომპანია Conde Nast International-მა გააკეთა და ოფიციალურად გაათავისუფლა ფოტოგრაფი სამსახურიდან.

ამავე ბრალდებების გამო რიჩარდსონთან თანამშრომლობაზე უარი ისეთმა გავლენიანმა ჟურნალებმა თქვეს, როგორებიც არის - GQ, Vogue, Vanity Fair, Rolling Stone, Harper's Bazaar და ა.შ.

ამავე მიზეზით ის ვეღარ ითანამშრომლებს ისეთ ბრენდებთან, როგორებიც არის - Valentino, Marc Jacobs, Aldo, Supreme, Sisley, Tom Ford და Saint Laurent.

მიუხედავად იმისა, რომ ცნობილი მოდელები მისი ქცევებს შესახებ წლების წინ ალაპარაკდნენ, ფოტოგრაფის საქმე მხოლოდ ახლა გახმაურდა.

როგორც ცნობილია, რიჩარდსონი მოდელებს გადაღებების დროს ეროტიკული სცენების გათამაშებას სთხოვდა, ხშირ შემთხვევაში კი როდესაც მათ მარტო დაიგულებდა, საკუთარ ოთახში ასვლას სთავაზობდა.

იყო შემთხვევებიც, როდესაც ის მოდელების თვალწინ მასტურბირებდა.

ფოტოგრაფს თავისი კარიერის განმავლობაში გადაღებული ჰყავს ისეთი ვარსკვლავები, როგორებიც არიან - შარლიზ ტერონი, ბიონსე, ქეით მოსი, მირანდა კერი, მერაია ქერი, რიანა, მაილი საირუსი, ბარაკ ობამა, ჯარედ ლეტო, ლედი გაგა, ლინდსი ლოჰანი, დემი მური, კიმ კარდაშიანი და სხვები.