ჩინეთის პრეზიდენტი სი ძინპინი ფხენიანს, შვიდი წლის შემდეგ, პირველად ესტუმრა. ჩრდილოეთ კორეაში მას ფერადი და საზეიმო დახვედრა მოუწყვეს. ინფორმაციას BBC ავრცელებს.

მედიის ცნობით, მას წითელი ხალიჩითა და საპატიო ყარაულით შეხვდნენ ჩრდილოეთ კორეის ლიდერი კიმ ჩენ ინი და მისი მეუღლე რი სოლ ჯუ, ასევე შეკრებილი ხალხი, რომელიც ჩინეთისა და ჩრდილოეთ კორეის დროშებს აფრიალებდnen.

სახელმწიფო მედიის ინფორმაციით, სიმ მაღალი შეფასება მისცა ჩინეთსა და ჩრდილოეთ კორეას შორის არსებულ ურთიერთობებს და აღნიშნა, რომ ისინი "ახალ ისტორიულ საწყის წერტილში" იმყოფებიან.

BBC წერს, რომ პრეზიდენტი სი, როგორც წესი, წელიწადში სამჯერ ან ოთხჯერ მოგზაურობს ქვეყნის ფარგლებს გარეთ, თუმცა წლის პირველი უცხოური ვიზიტი ყოველთვის განსაკუთრებული ყურადღების ცენტრშია, რადგან ის ხშირად მიანიშნებს პეკინის დიპლომატიურ პრიორიტეტებზე.