ბრიჯიტ ჯონსის ვარსკვლავი რენე ზელვეგერი ახალ ფილმში ლეგენდარული ამერიკელი მსახიობის, ჯუდი გარლანდის როლს შეასრულებს.

ფილმის სცენარს The Crown-ის სცენარისტი, ტომ ედჯი დაწერს, რეჟისორი კი რუპერტ გოლდი იქნება.

ჯუდი გარლანდს პოპულარობა ოზის ჯადოქრებიში შესრულებულმა დოროთი გეილის როლმა მოუტანა. ორჯერ იყო ნომინირებული ოსკარზე.

ჯუდი გარლანდი მომღერლისა და მსახიობის, ლაიზა მინელის დედა იყო.

1969 წლის 22 ივნისს გარლანდი მისმა მეუღლემ აბაზანაში მკვდარი იპოვა. გარდაცვალების მიზეზი ბარბიტურატებით დოზის შემთხვევითი გადაჭარბება იყო.

ფილმის გადაღებები 2018 წლის თებერვალში დაიწყება.