ემანუელ და ბრიჯიტ მაკრონების ძაღლმა, ნემომ, ელისეს სასახლეში ოფიციალურ შეხვედრაზე მიწვეული სტუმრები ძალიან გაახალისა.

ვიდეოში ჩანს, რომ მაკრონი მთავრობის ახალგაზრდა წევრებს ესაუბრება, როდესაც მისმა შავმა ლაბრადორ-გრიფონმა ოთახში არსებულ ბუხარზე მოშარდა.

"მაინტერესებდა ეს რისი ხმა იყო" - ამბობს ერთი წევრი სიცილით.

საფრანგეთის პრეზიდენტი კი ხუმრობს, რომ მთავრობის წევრები ნემოს იშვიათი და განსაკუთრებული ქცევის მომსწრენი გახდნენ.

მაკრონმა და ბრიჯიტმა ნემო ცხოველთა გადარჩენის ცენტრიდან 250 ევროდ იყიდეს.