სამეფო კარის თამაშების ვარსკვლავი, ლინა ჰიდი, იმ მსახიობების სიას შეუერთდა რომლებიც გავლენიანი პროდიუსერის, ჰარვი ვაინშტაინის მხრიდან სექსუალური შევიწროების შესახებ ხმამაღლა ალაპარაკდნენ.

ჰედი იხსენებს, რომ ვაინშტაინს ჯერ კიდევ 2005 წელს, ვენეციის კინოფესტივალზე შეხვდა სადაც პროდიუსერი მისი მისამართით სექსუალური სახის კომენტარებს აკეთებდა. მთავარი ამბავი კი ლოს-ანჯელესში მოხდა, როდესაც GOT-ის ვარსკვლავზე ძალადობა ჰარვიმ არც მეტი, არც ნაკლები, პირდაპირ ლიფტში სცადა.

"მე ვაინშტაინი გავაფრთხილე, რომ არ ვარ დაინტერესებული არაფრით გარდა სცენარისა და იმ საქმისა, რომელიც უნდა გავაკეთო. ლიფტიდან გამოსვლის შემდეგ მან ხელი წელზე შემომხვია და ოთახისკენ მიმიძღვოდა, კარები ვერ გააღო და უკან გამოვბრუნდით. თავს უსუსურად ვგრძნობდი. შემდეგ მკლავზე ხელი მომიჭირა და ყურში ჩამჩურჩულა, რომ ეს ამბავი არავისთვის მომეყოლა. იქიდან გამოსული მანქანაში ჩავჯექი და ვტიროდი", - წერს მსახიობი.

გაიგე მეტი: სექსუალური შევიწროება კინოინდუსტრიაში - ჰოლივუდი ჰარვი ვაინშტაინის წინააღმდეგ