რამდენიმე კვირის წინ, LIGO-სა და VIRGO-ს ერთობლივი მუშაობით გრავიტაციული ტალღები მეოთხედ დავაფიქსირეთ. მათ სამმა ყველაზე გამოჩენილმა ფიზიკოსმა კი ნობელის პრემია აიღო თავიანთი ნაშრომის გამო.

ორშაბათს კი, ისინი გამოაცხადებენ რაღაც ახალს. ამ დიდი აღმოჩენის შესახებ კრინტს არავინ ძრავს. ევროპის სამხრეთულმა ობსერვატორიამ განაცხადა, რომ ეს „უპრეცედენტო აღმოჩენა“ იქნება, ამიტომ, დიდი ალბათობით, ყველანი უნდა გავოცდეთ. LIGO, VIRGO და 70 სხვა ობსერვატორია მსოფლიოს გარშემო ჩაატარებს პრეს-კონფერენციას ერთსა და იმავე დროს.

ამიტომ გადადეთ ყველანაირი საქმე ორშაბათს, 18:00 საათზე. დიდი ალბათობით, ვინც მუშაობთ, ამ დროს საცობში იქნებით, ამიტომ შეგიძლიათ ეს მძიმე ტვირთი ამ აღმოჩენის გამოცხადების სიხარულით გადააგოროთ. პირდაპირ ტრანსლაციას შეგიძლიათ უყუროთ National Science Foundation-ის ან ევროპის სამხრეთული ობსერვატორიის ვებ-გვერდზე.

მანამ, სანამ ამ ტრანსლაციის დრო მოვა, შეგიძლიათ გაეცნოთ გრავიტაციულ ტალღებზე ბლოგს National Geographic საქართველოზე: რა არის გრავიტაციული ტალღა? რატომ არის მათი აღმოჩენა ასეთი მნიშვნელოვანი? რა ახალ გზას გვთავაზობს სამყაროს მათით შესწავლა? და ა.შ.