თუთა ერთი განსხვავებულად მხიარული და ენერგიული გოგოა. ბევრი ინტერესებითა და ოცნებებით. მისი ერთ-ერთი ოცნებაა გამოვიდეს მეცნიერი და შექმნას ბევრი საინტერესო ნივთი ბავშვებისთვის. მაგალითად, ქილა, რომელშიც არასდროს მთავრდება ტკბილეული.

ბაღის ასაკმა მალე გაირბინა, ბევრი იარა და ვერსად მიაგნო გარემოს, სადაც თავისუფალი აზროვნება პრიორიტეტი იქნებოდა და სადაც არ ასწავლიან რომელია გოგოს და ბიჭის ფერები.

მეცნიერობამდე ბევრი დროა და ამიტომ დედასთან ერთად ახლა აიხდინა ოცნება - შექმნა გარემო, სადაც ბავშვები ცხოველებს ზრდიან, კედლებზე ხატავენ, ბევრს წუწაობენ, ფეხშიშველები დარბიან, ხმამაღლა იცინიან და წვიმაში ხტუნავენ. ადგილს, სადაც ბევრს თამაშობენ და ისე ვითარდებიან.

მას შემდეგ რაც თითქმის ყველა ნივთი ხელით შეიქმნა, თუთას ბაღმა აღსაზრდელებიც მიიღო.

რატომ თუთას ბაღი?

აქ ბავშვები სწავლობენ მზრუნველობას, ცხოველების სიყვარულს

აქ აქვთ ხშირი შეხება მიწასთან - რგავენ მცენარეებს, ბოსტნეულს. აგროვებენ უამრავ ხილს, რომელიც თუთას ბაღის ეზოში გვხვდება

თუთას ბაღში ეკოლოგიურად სუფთა ხის სათამაშოებით თამაშობენ


აქ არიან თავისუფლები

თუთას ბაღში სწავლობენ თამაშით

მოტორულ განვითარებაზე მორგებული აქტივობები


აღსანიშნავია, რომ თუთას ბაღის თითოეულ აღსაზრდელს ინდივიდუალური საგანმანათლებლო პროგრამა ექნება, ასევე თერაპიული ჯგუფური თამაშები, მხიარული კულინარია, სასცენო ხელოვნება, მხიარული ვიდეორგოლები ბავშვების სცენარებით, შემეცნებით-გასართობი ექსკურსიები და სპორტული შეჯიბრებები.

თუთას ბაღი მზად არის აღსაზრდელები ატაროს ცურვაზე, ციგურებზე, კარატეზე, სიმღერაზე და ა.შ.

ხოლო მათ ვინც ჯერ ბაღისთვის არ არის მზად, ბავშთა განვითარების ცენტრი მზესუმზირა ელოდება, სადაც სპეციალურად მათთვის საათობრივი პროგრამებია შედგენილია ბავშვების ლოგიკის, სენსორიკისა და მოტორიკის განვითარებისათვის.