HBO-ს სერიალში Veep მთავარ როლის შემსრულებელმა ჯულია ლუის-დრეიფუსმა ცოტა ხნის წინ ინსტაგრამზე საკუთარ გულშემატკივრებს შეატყობინა, რომ მკერდის კიბო აქვს და გადასარჩენად დიდ ბრძოლაში ერთვება.

Just when you thought...

A post shared by Julia Louis-Dreyfus (@officialjld) on

"რვა ქალიდან ერთს მკერდის კიბო აქვს, დღეიდან მეც ერთი მათგანი ვარ. კარგი ამბავი ის არის, რომ არაჩვეულებრივი ადამიანებით ვარ გარშემორტყმული - მეგობრები და ოჯახი მხარში მიდგას. ასევე მაქვს ფანტასტიკური დაზღვევა. ცუდი ამბავი კი ის არის, რომ ყველა ქალს არ გაუმართლა, ამიტომ მოდი, ვებრძოლოთ ყველა სახის კიბოს და ჯანდაცვაზე საყოველთაო წვდომა რეალობა გავხადოთ", - წერს მსახიობი.

შეგახსენებთ, რომ წელს ემის რიგით 69-ე დაჯილდოების ცერემონიალზე ჯულია ლუის-დრეიფუსმა საბოლოოდ დაიდგა გვირგვინი და ტელევიზიის ისტორიაში უპრეცენდენტო გამარჯვება მოიპოვა.

2012 წლის შემდეგ წლევანდელი გამარჯვების ჩათვლით ის ყოველ წელს ადის მაიკროსოფტის სცენაზე ჯილდოს მისაღებად. მსახიობმა ზედიზედ მეექვსედ მიიღო ჯილდო კომედიური სერიალის საუკეთესო ქალი მსახიობის კატეგორიაში.