დიპლომატი მამუკა ჟღენტი ტელეკომპანია "პირველთან" საუბრისას ამბობს, რომ, სავარაუდოდ, ოცნების ხელისუფლებას ბიძინა ივანიშვილმა დაავალა, რომ მსოფლიოს ტურიზმის გენერალური მდივნის პოსტზე ზურაბ პოლოლიკაშვილის კანდიდატურა არაბთა გაერთიანებული საამიროების მიერ წარდგენილ კანდიდატზე გიორგი ბაჩიაშვილის ექსტრადირებაზე გაეცვალა. მისი ინფორმაციით, თანაინვესტირების ფონდის ყოფილი მმართველი გიორგი ბაჩიაშვილი, რომელთანაც ბიძინა ივანიშვილს სასამართლო დავა ჰქონდა და რომელიც ქვეყნიდან გაიქცა, ამჟამად სწორედ გაერთიანებულ საამიროებშია.

"მესამე ვადით არჩევნებზე საქართველოს ხელისუფლებამ წარადგინა და არც ერთ ქვეყნისთვის არა არის ნორმალური საკუთარი მოქალაქის მხარდაჭერაზე უარის თქმა და სხვა ქვეყნის კანდიდატურაზე მხარდაჭერა. მე როგორც ვიცი, ბატონი ბაჩიაშვილი, რომელიც ივანიშვილის ნომერ პირველი მტერია, ამ ეტაპზე, იმყოფება ემირატებში და მას მიაჩნია, რომ თუ საქართველოს ხელისუფლებას დაავალებს, რომ გაცვალოს მსოფლიოს ტურიზმის გენერალური მდივნის კანდიდატურა ბაჩიაშვილის ექსტრადირებაზე, რაღაც შედეგი დარჩება. მე როგორც მგონია, ეს გამორიცხულია. ეს ყველაფერი მეორეხარისხოვანია. მთავარი არის ის, რომ ივანიშვილის ხუშტურებზეა დამოკიდებული საქართველოს რეპუტაცია, საქართველოს საგარეო პოლიტიკა, საერთაშორისო ურთიერთობები და ყველაფერი რაც დამოკიდებულია საქართველოს სახელმწიფოებრიობასთან", — თქვა მამუკა ჟღენტმა ტელეკომპანია პირველთან.

შეგახსენებთ, რომ 4 მარტს ცნობილი გახდა, რომ გიორგი ბაჩიაშვილმა საქართველო დატოვა. ამის შემდეგ, ე.წ. ბიტკოინების საქმეზე სასამართლომ მას 11 წლით თავისუფლების აღკვეთა მიუსაჯა. ბაჩიაშვილს ბრალი აქვს წარდგენილი. ე.წ. მტკვარი ჰესის საქმეზეც. ბაჩიაშვილს ბრალი აქვს წარდგენილი. ე.წ. მტკვარი ჰესის საქმეზეც.