სამხრეთ კორეის თავდაცვის სამინისტრომ გაავრცელა განცხადება, რომელშიც ნათქვამია, რომ კიმ ჩენ ინის რეჟიმს დაასრულებენ, იმ შემთხვევაში თუ ჩრდილოეთ კორეა მათ მოსახლეობას საფრთხეს შეუქმნის.

სამხრეთ კორეამ ეს განაცხადა ჩრდილოეთ კორეის მიერ საზღვართან არტილერიის მზადყოფნაში გადაყვანის ფონზე გაავრცელა.

"ცხადად ვაფრთხილებთ, თუ ჩრდილოეთ კორეა ჩვენი ხალხის უსაფრთხოებას საფრთხეს შეუქმნის, ეს დღე ჩრდილოეთ კორეის რეჟიმის დასასრული იქნება”, — ნათქვამია სამხრეთ კორეის განცხადებაში.

11 ოქტომბერს ჩრდილოეთ კორეამ განაცხადა, რომ სამხრეთ კორეიდან ჩრდილოეთ კორეს საჰაერო სივრცეში უპილოტო საფრენი აპარატები შეფრინდნენ.

ამის შემდეგ, ჩრდილოეთ კორეის გენერალურმა შტაბმა სამხრეთ კორეის საზღვართან განლაგებული სამხედრო არტილერია საბრძოლო მზადყოფნაში გაიყვანა.

Reuters-ის ინფორმაციით, სამხრეთ კორეელმა აქტივისტებმა ჩრდილოეთ კორეისკენ, საფრენი აპარატების გამოყენებით პირველადი დახმარების ამანათები გაგზავნეს. გზავნილებში ფლაერებიც იყო, რომელიც ჩრდილოეთ კორეის დიქტატორს, კიმ ჩენ ინს აკრიტიკებდნენ.

ჩრდილოეთ კორეა გზავნილებს სამხრეთ კორეის არმიას აბრალებს და საპასუხოდ დრონების მეშვეობით, ნაგვით სავსე ბუშტები რამდენჯერმე გაუშვა.