რა ხდება: თბილისის მერია გეგმავს, ააშენოს ახალი გზა, რომელიც ქავთარაძის ქუჩას ბაგებთან დააკავშირებს.

  • ამის შესახებ მერმა, კახა კალაძემ თქვა.

დეტალები: კალაძემ დღეს მოინახულა ბაგების დასახლებისა და უნივერსიტეტის ქუჩის დამაკავშირებელი საავტომობილო ხიდის სამშენებლო სამუშაოები და ახალი გზის აშენების შესახებ სწორედ იქ განაცხადა.

სხვა დეტალების შესახებ, ჯერჯერობით, ცნობილი არ არის.

  • რაც შეეხება საავტომობილო ხიდს, მერიის ინფორმაციით, იქ ლითონის მალის ნაშენის გადაცურების სამუშაოები და ბურჯებზე დამონტაჟების პროცესი დასრულდა.
  • კახა კალაძის თქმით, პროექტი აპრილში უნდა დასრულდეს.
  • ხიდი ოთხზოლიანი იქნება.
  • ამ დროისთვის, რკინა-ბეტონის ფილების მონტაჟი და საიზოლაციო სამუშაოები იწყება. ასევე, უახლოეს პერიოდში მოაჯირები მოეწყობა. ბოლო ეტაპზე, სახიდე გადასასვლელზე ასფალტის საფარი დაიგება და მოეწყობა გარე განათების ქსელი.
  • პროექტის ფარგლებში, პარალელურად, ბაგების დასახლების მხარეს ხიდთან მისასვლელი გზის და სატრანსპორტო კვანძის მოწყობის სამუშაოები მიმდინარეობს.
  • ამჟამად, ასფალტის საფარის ქვედა ფენები იგება, ხოლო, ტროტუარებზე მიწისქვეშა კაბელ-არხები ეწყობა, სადაც საჰაერო სადენები გადავა. ასევე, მოეწყობა გარე განათების ქსელი და დამონტაჟდება LED სანათები.