ამის შესახებ მოლდოვის პრეზიდენტმა მაია სანდუმ ისაუბრა.

რატომ არის მნიშვნელოვანი: უკრაინის პრეზიდენტმა ვოლოდიმირ ზელენსკიმ ბრიუსელში ევროკავშირის სამიტზე თქვა, რომ უკრაინის დაზვერვამ რუსეთის გეგმა მოიპოვა, რომლითაც კრემლი მოლდოვაში დესტაბილიზაციას გეგმავდა.

  • როგორც მაია სანდუ ამბობს, გეგმის მიხედვით, სამხედრო მოქმედებები დივერსანტების მონაწილეობით რუსეთიდან, ბელარუსიდან და ბალკანეთიდან მზადდებოდა.
  • სანდუს განცხადებით, უკრაინის მიერ გადაცემულ მასალებში დივერსიული ქმედებების ორგანიზების ლოჯისტიკასთან დაკავშირებით დეტალური დოკუმენტაციაა.

დეტალები: სანდუ აცხადებს, რომ იგეგმებოდა ძალადობრივი ქმედებები, მათ შორის, თავდასხმები ზოგიერთ სახელმწიფო ინსტიტუტზე და მძევლების აყვანას.

  • "ეს არის მოკლევადიანი გეგმა, რომელიც ითვალისწინებს დივერსიას სამოქალაქო ტანსაცმელში გამოწყობილი სამხედრო მომზადების მქონე ადამიანების მონაწილეობით";
  • "გეგმა ითვალისწინებს ხალხის გამოყენებას ქვეყნის ფარგლებს გარეთ მოლდოვაში ძალადობრივი ქმედებებისთვის. მაგალითად, მასალები შეიცავს მითითებებს რუსეთის ფედერაციის, ბელარუსის, სერბეთისა და მონტენეგროს მოქალაქეებისთვის მოლდოვაში შესვლისთვის".

კონტექსტი: რუსეთის საგარეო საქმეთა მინისტრმა სერგეი ლავროვმა ლავროვი დაიმუქრა რომ უკრაინის შემდეგ "ანტირუსული ცენტრი" მოლდოვა გახდება.

  • ლავროვის მტკიცებით, ცენტრალურ აზიაში დასავლეთი თავისი გავლენის გამყარებას ცდილობს, თუმცა, ისინი არ პასუხობენ.
  • მოლდოვის საგარეო საქმეთა სამინისტრომ ლავროვის სიტყვებს მუქარის რიტორიკას უწოდა.
  • სამინისტროს წარმომადგენლის თქმით, NATO-სა და ევროკავშირში მოლდოვას სწრაფვა ქვეყნის მოქალაქეების მიერ დამტკიცებული და მათი სურვილის შესაბამისი გზაა.