საქართველოს პრემიერმინისტრმა მთავრობის სხდომაზე განაცხადა, რომ მმართველ გუნდი ინიციატივით მიმართავს საკონსტიტუციო კომისიას, რათა კონსტიტუციაში გაკეთდეს ჩანაწერი სასოფლო-სამეურნეო დანიშნულების მიწის გასხვისების წესის შესახებ.

ჩანაწერის მიხედვით, სასოფლო-სამეურნეო დანიშნულების მიწის გასხვისება არ იქნება შესაძლებელი იმ პირზე, ვისაც არ გააჩნია საქართველოს მოქალაქეობა.

"აღნიშნული ჩანაწერი პირდაპირ ეხმიანება იმ მოთხოვნებს, რომელიც საქართველოს მოქალაქეთა უდიდეს უმრავლესობას აქვს. ვფიქრობთ, ეს იქნება გადაწყვეტილება, რომელიც აუცილებლად უნდა მიიღოს მმართველმა გუნდმა" - განაცხადა კვირიკაშვილმა.

ანალოგიური განცხადება გაავრცელა დღეს ირაკლი კობახიძემაც. პარლამენტის თავჯდომარის თქმით, ქართული მიწა მხოლოდ საქართველოს მოქალაქეებს დარჩება.