დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ უცხო ქვეყნის მოქალაქეებზე მიწის გასხვისების საკანონმდებლო ინიციატივაზე განმარტა, რომ სწრაფი ტემპით დააყენეს ინიციატივა, რადგან ორგანულ კანონში ცვლილებების შეტანამდე უცხოელებზე მიწების გასხვისების პროცესი არ დაჩქარდეს.

მისივე განმარტებით, ინიციატივა გულისხმობს იმას, რომ არსებული კონსტიტუციის ფარგლებში გააკეთოს მაქსიმუმი, რათა მთავარი მიზანს მიაღწიონ - უცხოეთის მოქალაქეებზე აიკრძალოს სასოფლო-სამეურნეო მიწების გასხვისება.

კანონპროექტის თანახმად, იურიდიული პირებისთვის დაიშვება იმ შემთხვევაში, როდესაც საქართველოს მოქალაქეები არიან 50 პროცენტზე მეტი წილის მფლობელი:

"თემა აიწია და შესაძლებელია კონსტიტუციის მიღებამდე დაჩქარდეს გასხვისების პროცესი და ამის დარეგულირებას ემსახურება ეს ახალი ინიციატივა"

დეპუტატის თქმით, ორგანულ კანონში შესატანი ცვლილებები და საკანონმდებლო ინიციატივა ორი სხვადსხვა მოცემულობაა:

"ჩვენ ამ საკანონმდებლო ინიციატივით გვინდა მაქსიმალურად ავკრძალოთ და შევზღუდოთ უცხოელ ფიზიკურ პირებზე მიწის გასხვისება. რაც შეეხება ახალ კონსტიტუციას, ჩემი აზრით, აუცილებელია, რომ კონსტიტუციამ დააზუსტოს აუცილებლად, თუ ვის ექნება დაშვება მიწის საკუთრებაზე".