უკრაინის უსაფრთხოების სამსახურის განცხადებით, ლავრაში კონტრდაზვერვითი ღონისძიებები მიმდინარეობს.

რატომ არის მნიშვნელოვანი: უწყებაში ამბობენ, რომ ეს ღონისძიება ტარდება პოლიციასა და ეროვნულ გვარდიასთან ერთად, რუსული სპეცსამსახურების დივერსიული საქმიანობის წინააღმდეგ.

  • მათი განცხადებით, რუსეთის შეიარაღებული აგრესიის გათვალისწინებით, იზრდება ტერორისტული აქტების, დივერსიების და მძევლების აყვანის რისკი, განსაკუთრებით ისეთ ადგილებში, სადაც მოქალაქეთა დიდი კონცენტრაციაა.

დეტალები: უკრაინის უსაფრთხოების სამსახური აცხადებს, რომ ღონიზიება ტარდება ლავრის, როგორც "რუსული სამყაროს" ცენტრის გამოყენების პრევენციისთვის.

  • ასევე ინფორმაციის გადამოწმების მიზნით — დივერსიული და სადაზვერვო ჯგუფების, უცხო ქვეყნის მოქალაქეების ადგილმდებარეობისა და იარაღის შენახვასთან დაკავშირებით.
  • აღნიშნავენ იმასაც, რომ ლავრაში შესვლის მიზეზი მოსახლეობის დაცვაა პროვოკაციებისა და ტერორისტული აქტებისაგან.

უსაფრთხოების სამსახური ეკლესიის წარმომადგენლების უშუალო მონაწილეობით, სამართალდამცავები:

  • ჩაატარებენ ლავრის ტერიტორიისა და შენობის შემოწმებას აკრძალული ნივთების გამოსავლენად;
  • განახორციელებენ ლავრის ტერიტორიაზე მყოფი პირების შემოწმებას უკრაინის სახელმწიფო სუვერენიტეტის საზიანოდ უკანონო ქმედებებში მათი ჩართვის შესახებ.

გარდა ამისა, უკრაინსკა პრავდას ინფორმაციით, უსაფრთხოების სამსახური შევიდა სხვა ტაძრებშიც.

  • "სამართალდამცავების მოტივაციაა ხელი შეუშალონ რელიგიური თემების "რუსული მშვიდობის" ცენტრად გამოყენებას", — წერს გამოცემა.