ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.

რატომ არის მნიშვნელოვანი: ჯანდაცვის სექტორში დასაქმებული ადამიანები დიდი ხანია, ხელფასსა და სამუშაო პირობებს აპროტესტებენ.

  • სამინისტროს ინფორმაციით, 2023 წლის იანვრიდან საყოველთაო ჯანდაცვის პროგრამაში ჩართული ყველა კლინიკა ვალდებული იქნება, ექიმებისა და ექთნების სახელფასო ანაზღაურება მინიმალური ზღვრის გათვალისწინებით დაადგინოს.
  • უწყების ცნობით, ახალი რეგულაციით, ხელფასის ზრდა 9000-მდე ექიმსა და 8000-ზე მეტ ექთანს შეეხება.

დეტალები: როგორც ჯანდაცვის უწყებაში ამბობენ, მომავალი წლიდან ექიმების მინიმალური ანაზღაურება — თვეში, მინიმუმ, 1260 ლარით, ექთნების კი, მინიმუმ, 792 ლარით განისაზღვრება.

  • მათივე განცხადებით, 2025 წლისთვის, ექიმის მინიმალური ანაზღაურება საათში — 9 ლარი, ექთნის კი 5.6 ლარი გახდება.