ამის შესახებ ინფორმაციას გაეროს ატომური ენერგიის საერთაშორისო სააგენტო ავრცელებს.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც ბირთვული კატასტროფის საფრთხეს კიდევ უფრო ზრდის.

  • უკრაინის პრეზიდენტი ვოლოდიმირ ზელენსკი რუსეთს "ბირთვულ შანტაჟში" ადანაშაულებს ელექტროსადგურში დაძაბულობის გამო.

დეტალები: მათი ცნობით, სადგურის მიმართულებით 12-ზე მეტი რაკეტა გამოუშვეს, შედეგად დაზიანებულია სპეციალური საკომუნიკაციო ესტაკადები, ქიმიკატების მარილიანი წყლის შესანახი ავზები, ორთქლის გენერატორის გამწმენდი სისტემა;

  • ასევე, ორი გენერალური სადგურის დამხმარე სისტემები და ინფრასტრუქტურის სხვა აღჭურვილობები.
  • "არსებული ზარალისა და ნგრევის შესახებ ინფორმაცია ამ დრომდე ზუსტდება", — ამბობენ IAEA-ში.

სააგენტოს დირექტორის, რაფაელ გროსის განცხადებით, ეს "ცეცხლთან თამაშია" და დაამატა:

  • "ვინც ამის უკან დგას, ეს სასწრაფოდ უნდა შეწყვიტოს".

რუსეთი დაბომბვას უარყოფს და პასუხისმგებლობას უკრაინას აკისრებს. ინფორმაციას ამის შესახებ პროპაგანდისტული TASS ავრცელებს.

  • რუსული გამოცემა ადგილობრივ ბირთვული ენერგიის სააგენტოზე Rosenergoatom-ზე დაყრდნობით წერს, რომ უკრაინის მიერ სადგური გუშინაც დაიბომბა.
  • მათი მტკიცებით, ახლა ადგილზე რადიაციული ფონი ნორმის ფარგლებში რჩება და დაამატეს, რომ დაბომბვას მსხვერპლი არ მოჰყოლია.