ამის შესახებ პენტაგონის მაღალჩინოსანმა, კოლინ კალმა ჟურნალისტებთან ისაუბრა.

რატომ არის მნიშვნელოვანი: გასული კვირის განმავლობაში ოკუპანტებმა ერთდორულად უკრაინის რამდენიმე რეგიონი და ქალაქი ომის დაწყების შემდეგ ყველაზე ინტენსიურად დაბომბეს.

  • მათი მთავარი სამიზნე კრიტიკული მნიშვნელოვის ენერგეტიკული ინფრასტრუქტურა იყო — შედეგად, უკრაინის მოსახლეობის დიდ ნაწილს ელექტროენერგიის გარეშე დარჩა.
  • ეს, ზამთრის მოახლოებასთან ერთად, ჰუმანიტარული კრიზისის საფრთხეს ზრდის.

დეტალები: როგორც პენტაგონის წარმომადგენელმა აღნიშნა, მოსკოვი იმედოვნებს, რომ ასე უკრაინაში საჰაერო დომინირებას მიაღწევს.

  • "ისინი ნამდვილად ცდილობენ უკრაინის საჰაერო თავდაცვის სისტემების გადატვირთვას და ამოწურვას", — ამბობს ის.
  • "ვიცით, რა არის გამარჯვების რუსული თეორია და მზად ვართ, დავრწმუნდეთ, რომ ეს არ იმუშავებს. უკრაინელები მიიღებენ იმას, რაც საჰაერო თავდაცვისთვის სჭირდებათ", — აღნიშნა კალმა.